جہاز کو دیکھ کر نواز ٹھیک ہو گیا،ڈاکوؤں کا مقابلہ کروں گا، خان کرسی کیلئے نہیں تبدیلی کیلئے آیا ہے، وزیراعظم

جہاز کو دیکھ کر نواز ٹھیک ہو گیا،ڈاکوؤں کا مقابلہ کروں گا، خان کرسی کیلئے نہیں تبدیلی کیلئے آیا ہے، وزیراعظم

باغی ٹی وی کی رپورٹ کے مطابق وزیراعظم عمران خان نے میانوالی میں تقریب سے خطاب کرتے ہوئے کہا کہ اگر یہ مافیا رہ گیاتو اس ملک کا کوئی مستقبل نہیں، عمران خان کرسی بچانے نہیں،تبدیلی کیلئے آیا ہے، حسن نواز 8ارب روپے کے گھر میں رہتاہے، عدالت میں دستاویزات دے کرلندن فلیٹ کا بتایا،ان کی ہر دستاویز جعلی نکلتی ہے،

وزیراعظم عمران خان نے مزید کہا کہ مدرسوں کا تعلیمی نظام بہترکریں گے، جھوٹ بول کربچوں کو اسلام آباد بلایاگیا، فضل الرحمان کےہوتے ہوئے یہودیوں کوسازش کی کیا ضرورت ہے، جھوٹا منڈیلا شہبازشریف بھی کنٹینر پرپہنچ گیا، ان سے ڈیل اس ملک سےغداری ہوگی، ان ڈاکوؤں کا مقابلہ کرکے دکھاؤں گا،

کینٹنر پر بے روزگار سیاستدان آئے تھے وہ اس لئے نہیں آئے تھے کہ پاکستان کی معیشت کی حال بری ہے ان کو فکر یہ تھی کہ پاکستان کی معیشت ٹھیک ہونے جا رہی ہے، ان کی سیاسی دکانیں بند ہونے لگی ہیں ، ان کو خطرہ یہ ہے کہ مجھے ایف آئی اے سے ساری انفارمیشن آ جاتی ہے ،مجھے سب پتہ ہے انہوں نے آگے جا کر کہیں نہ کہیں پھنس جانا ہے ،ہم نے ان کا پیسہ نکالنا ہے، تبدیلی کیوں نہیں آتی، جب ایک سسٹم کرپٹ ہو جاتا ہے تو اداروں میں مافیا بیٹھ جاتا ہے جو پیسے بنانا شروع ہو جاتا ہے، جب تبدیلی لے کر آتے ہیں تو وہ مافیا سامنے کھڑا ہو جاتا ہے پھر مک مکا ہوتا ہے، جب مشرف نے احتساب شروع کیا تو ہم سب اسکے ساتھ تھے پھر ہم نے بتایا کہ کرسی خطرے میں ہو گی ،مشرف نے پھر احتساب ختم کیا اور شریفوں‌کو باہر بھجوا دیا، عمران خان اپنی کرسی بچانے کے لئے نہیں بلکہ تبدیلی لانے کے لئے آیا ہے، تبدیلی تب آئے گی جب مافیا کو شکست دیں گے.

وزیراعظم عمران خان نے مزید کہا کہ نوازشریف کوجہاز پرچڑھتا دیکھا تو ڈاکٹر کی رپورٹ دیکھی، نوازشریف کی رپورٹ میں 15 بیماریاں بتائی گئی تھیں، شایدنوازشریف کولندن کی ہوالگی توٹھیک ہوگئے، ایسا زبردست جہازتھا نوازشریف دیکھ کرٹھیک ہو گئے، جس جہازمیں نوازشریف گیاعام آدمی نہیں جاسکتا