خاتون اول کورونا میں مبتلا ہیں بھارتی میڈیا کا دعوی

پاکستانی وزیارعظم عمران خان کی اہلیہ اور خاتون اول کورونا وائرس میں مبتلا ہیں بھارتی ٹی وی کا دعوی

باغی ٹی وی : بھارتی ٹی وی نے دعوی کیا ہے کہ پاکساتی وزیراعظم عمران خان کی اہلیہ اور خاتون اول بشری بی بی کورونا وائرس میں مبتلا ہیں بھارتی اینکر سنجے ڈکشٹ نے سماجی رابطے کی ویب سائٹ ٹویٹر پر بھارتی ٹی وی چینل پر چلنے وا لی بریکنگ نیوز کی تصویر شئیر کرتے ہوئے لکھا کہ دلچسپ خبر.. پاکستانی وزیراعظم عمران خان کی اہلیہ کورونا کی تشخیص ہو ئی ہے اور وہ اس وبائی مرض میں اپنے ڈرائیو کی وجہ سے مبتلا ہوئی ہیں اور ان کے دیگر ملازم بھی اس مرض سے متاثر ہیں جبکہ عمران خان سیف ہیں


انہوں نے لکھا کہ بشری بی بی اب کیا اقدامات کریں گی ؟

بھارتی ٹی وی چینل کی اس خبر کی پی ٹی آئی کارکن شہباز گل نے تردید کرتے ہوئے کمنٹ کیا کہ یہ غلط خبر ہے

واضح رہے کہ چین کے شہر ووہان سے پھیلنے والے کورونا وائرس نے پوری دنیا کو اپنی لپیٹ میں لے رکھا ہے کورونا وائرس سے مجموعی طور پر 12 اپریل کی صبح تک دنیا بھر میں 17 لاکھ 80 ہزار سے زائد افراد متاثر ہوچکے تھے جب کہ اس سے ہلاکتوں کی تعداد بھی بڑھ کر ایک لاکھ 9 ہزار تک جا پہنچی تھی

پاکستان میں بھی کورونا کے مریضوں میں اضافہ دیکھا جا رہا ہے اور 12 اپریل کی دوپہر تک ملک میں کورونا سے متاثرہ افراد کی تعداد 5 ہزار 183 اور ہلاکتوں کی تعداد 88 تک جا پہنچی تھی اور 1028 صحت یاب ہو چکے ہیں

جواب چھوڑیں

آپ کا ای میل ایڈریس شائع نہیں کیا جائے گا.