fbpx

لاہور:ڈیفنس میں خاتون کوگاڑی سمیت اغوا کرنے کی کوشش ناکام

لاہورمیں نامعلوم اغوا کاروں کی جانب سے خاتون کوگاڑی سمیت اغوا کرنے کی کوشش ناکام ہوگئی۔

باغی ٹی وی : تفصیلات کے مطابق واقعہ لاہور کے علاقے ڈیفنس فیز 5 میں پیش آیا خاتون کچھ دور جا کر جان بچانےمیں کامیاب ہوگئی، پولیس کا کہنا ہے کہ خاتون دفتر سے نکل کر اپنی گاڑی کی ڈرائیونگ سیٹ پر بیٹھی تو اغوا کار وہاں پہنچ گئے، خاتون گاڑی اسٹارٹ کرنے لگی تو ایک اغوا کار پچھلی سیٹ پربیٹھ گیا۔

ڈیرہ غازیخان : لیڈی ڈاکٹر اغوا کے بعد اجتماعی زیادتی کانشانہ بن گئی

پولیس کے مطابق خاتون باہر نکلنے لگی تو دوسرا اغوا کار خاتون کو دھکیل کر ڈرائیونگ سیٹ پربیٹھ گیا، اغوا کار نے زبردستی خاتون کو دوسری سیٹ پر منتقل کیا تاہم خاتون کچھ دور جاکر اپنی جان بچاکر بھاگنے میں کامیاب ہوگئی خاتون سے گاڑی چھیننےکی دفعات کے تحت مقدمہ درج کرلیا گیا ہے، خاتون کے اغوا کی دفعات شامل نہیں کی گئیں-

قبل ازیں ڈیرہ غازی خان میں پولیس اہلکار سمیت 8 افرادنے لیڈی ڈاکٹرکو اغوا کے بعد اجتماعی زیادتی کا نشانہ بنا ڈالاتھانہ صدر پولیس نے لیڈی ڈاکٹر کی درخواست پر پولیس ڈرائیور بلال سمیت6 نامزد ملزمان اور دونامعلوم افرادکے خلاف مقدمہ درج کر کے تفتیش شروع کردی-

راولپنڈی میں مبینہ پولیس مقابلہ، ملزمان کی فائرنگ سے اہلکار شہید

لیڈی ڈاکٹرعائشہ کنول نے تحریری درخواست میں لکھاکہ سائلہ اپنی کلینک9:00 بجے رات نکلی تو الزام علیہان عدیل نواز ،حسن ولد محمد اشرف ، مظہر ، ملک عزیر نے زبردستی مجھے ڈالہ برنگ سفید ڈبل ڈورمیں ڈال کر اغوا کرکے گلبر گ کالونی ڈیرہ غازی خان میں مکان کے اندر لے آئے اور مجھے زبردستی شراب پلائی اورخاموش رہنے کا کہا اور قتل کرنے کی دھمکیاں دی تو اسی دوران الزام علیہان عدیل نواز ، حسن ، مظہر ، ملک عزیر سٹاپ اینڈشاپ نے زبردستی میرے ساتھ باری باری زنا بالجبر کرتے رہے اور مجھے نوچتے رہے اور میری ننگی ویڈیوز بناتے رہے جو کہ مسلح ہائے پسٹل تھے-