گاڑی روکنے پرخاتون نے ڈی ایس پی ٹریفک کو تھپڑ مار دیا
کراچی: ٹریفک سگنل پرخاتون نے گاڑی روکے جانے پر ڈی ایس پی ٹریفک پی آئی ڈی سی کو تھپڑ مار دیا۔
باغی ٹی وی: ٹریفک پولیس کے مطابق خاتون پی آئی ڈی سی سےسلطان آباد کیجانب جانا چاہتی تھی سامنے سڑک سے ٹریفک کا فلو گزررہا تھا خاتون کی گاڑی نے زبردستی ٹریفک میں داخل ہونے کی کوشش کی ڈی ایس پی ٹریفک اشتیاق حسین آرائیں نے خاتون کی گاڑی کو روکا تو خاتون گاڑی روکنے پر آپے سے باہرآگئیں واقعے کی ویڈیو سوشل میڈیا پر وائرل ہو گئی-
تحریک انصاف کی رہنما شاندانہ گلزار پر غداری کا مقدمہ درج
منظرعام پرآنے والی واقعے کی ویڈیو میں دیکھا جا سکتا ہےکہ ٹریفک پولیس کیجانب سے روکے جانے پرگاڑی میں سوارخاتون نےٹریفک پولیس سے تعاون کے بجائے بدتمیزی شروع کردی اور مشتعل ہوکر باریش ڈی ایس پی کودھکے دیتی رہی۔مشتعل خاتون نے آپے سے باہر ہوکر ڈی ایس پی ٹریفک کوتھپڑبھی رسید کردیا۔
ڈی ایس پی ٹریفک سیکشن پی آئی ڈی سی خاتون سےمسلسل تعاون کی اپیل کرتے رہے خاتون نے ڈی ایس پی کودھکے دے کرہٹایااورساتھ موجود نوجوان نے گاڑی آگے بڑھائی موقع پرموجود شہریوں نے ٹریفک پولیس اور خاتون میں صلح کرادی تھی جس کے بعد خاتون گاڑی میں روانہ ہوگئی۔
پولیس لائنز خودکش دھماکا، مبینہ خودکش حملہ آورکی ویڈیو
ٹریفک پولیس حکام کی جانب سے بتایا گیا کہ واقعے سے متعلق سول لائن تھانے میں متاثرہ ڈی ایس پی ٹریفک کی مدعیت میں مقدمہ درج کر کے کارروائی شروع کردی گئی۔
Leave a reply
باغی ٹی وی پر شائع ہونے والی تمام خبریں ذرائع سے مصدقہ اور حقائق پر مبنی ہیں کسی بھی خبر کی تردید و توثیق ادارے کی طرف سے بروقت شائع کر دی جاتی ہے۔ باغی ٹی وی حق اور انصاف کے بول کے ساتھ درستگی اور اصلاح کے صحافتی اصول و ضوابط پر کاربند ایک ادارہ ہے.