خطے کی موجودہ صورتحال، کل دی جائیگی سینئر صحافیوں و اینکر پرسنز کو بریفنگ

0
40

مقبوضہ کشمیر کی خصوصی حیثیت کا خاتمہ، بھارت کی جانب سے لائن آف کنٹرول کی خلاف ورزی، وزیر خارجہ شاہ محمود قریشی کل منگل کو سینئر صحافیوں و اینکر پرسن کو موجودہ صورتحال پر بریفنگ دیں گے.

باغی ٹی وی کی رپورٹ کے مطابق وزیرخارجہ شاہ محمود قریشی کل منگل کو وزارت خارجہ کے دفتر میں سینئر صحافیوں و اینکر پرسن کو خطے کی موجودہ صورتحال پر بریفنگ دیں گے ،وزارت خارجہ کی جانب سے سینیر صحافیوں و اینکر پرسنز کو منگل سہہ پہر تین بجے کا دعوت نامہ بھجوایا گیا ہے،

وزیر خارجہ شاہ محمود قریشی بریفنگ میں بھارت کی جانب سے کشمیر کی خصوصی حیثیت کے خاتمے ،کشمیر میں کرفیو، بھارتی مظالم ،بھارتی فوج کی جانب سے ایل او سی کی خلاف ورزیوں پر بریفنگ دیں گے، وزیر خارجہ کشمیر کے حوالہ سے پاکستانی اقدامات سے بھی صحافیوں کو آگاہ کرٰیں گے،

وزیر خارجہ شاہ محمود قریشی کشمیر کے حوالہ سے سلامتی کونسل کے اجلاس پر بھی بریفنگ دیں گے، وہ بھارتی وزیر خارجہ راجناتھ سنگھ کی جانب سے آزاد کشمیر پر مذاکرات کے مضحکہ خیر بیان پر بھی اپنا موقف دیں گے، وزیر خارجہ پاکستان کی جانب سے اب تک کی تمام سفارتی کوششوں سے سینیر صحافیوں و اینکر پرسنز کو آگاہ کریں گے.

Leave a reply