fbpx

خوبصورت اور جوان دکھنے کیلئے کرائی گئی سرجری خاتون کو مہنگی پڑ گئی

روس میں خاتون کو جوان اور خوبصورت دکھنے کے لیے کرائی گئی سرجری مہنگی پڑ گئی-

باغی ٹی وی : روس میں 37 سالہ خاتون سویٹلانا نے جوان دکھنے کے لئے سرجری کرائی جس سے اس کا چہرہ کوبصورت ہونے کی بجائے جلد سُکڑ گئی اور جھریاں پڑ گئیں-

غیر ملکی میڈیا کے مطابق 37 سالہ خاتون نےاس وقت اپنے چہرے کا علاج شروع کرایا جب اس کے بوائے فرینڈ نے اسے بوڑھا کہنا شروع کیا، تاہم اس کا کہنا ہے کہ اس چکر میں اس نے اپنا چہرہ مکمل تباہ کر لیا اور دوست کو بھی کھو دیا۔

خاتون نے بتایا کہ ڈاکٹر کے غلط انجیکشن سے اس کا چہرہ ‘ممی’ کی طرح سکٹر گیا اور جلد ڈھیلی ہو گئی اور اس کے چہرے پر جھریاں آ گئیں اور یہ اس کی زندگی کا بہت خوفناک مرحلہ ہے جس میں وہ خود کو آئینے میں دیکھ کر روز ختم ہوتا محسوس کر رہی ہیں۔

سویٹلانا کا دعویٰ ہے کہ کاسمیٹک سرجن نے ایک نئی دوا استعمال کی ہے جو حال ہی میں برطانیہ اور دیگر مغربی ممالک میں استعمال کے لیے منظور کی گئی ہے ، لیکن اس نے اس کی دس سال کی عمر کو ناقابل تلافی بڑھا دیا۔

سویٹلانا نے بتایا کہ ایک بار سرجری خراب ہونے پر ڈاکٹر نے اسے تسلی دی اور دوبارہ مفت انجکشن لگانے شروع کر دئیے جس سے اس کا چہرہ مزید خراب ہو گیا –

ادھر روس میں خاتون کی شکایت پر سرجن کے خلاف مجرمانہ مقدمہ شروع کیا گیا ہے ، لیکن سویٹلانا کا کہنا ہے کہ اس کی محبت، زندگی اور کیریئر برباد ہوچکا ہے۔