شمالی وزیرستان میں سکیورٹی فورسز کی کارروائی،خودکش حملہ آور ساتھی اور سہولت کاروں سمیت گرفتار

شمالی وزیرستان میں سکیورٹی فورسز کی کارروائی، خودکش حملہ آورکو ساتھی اور 4 سہولت کاروں سمیت گرفتار کرلیا گیا۔

باغی ٹی وی: سرکاری ذرائع کے مطابق شمالی وزیرستان میں سکیورٹی فورسز نے کارروائی کرتے ہوئے ایک خودکش حملہ آورکو ساتھی اور چار سہولت کاروں سمیت گرفتار کرلیا گرفتار دہشت گروں کو تفتیش کے لیے نامعلوم مقام پر منتقل کر دیا گیا،دوران تفتیش گرفتار دہشت گردوں اور سہولت کاروں نے اعتراف جرم کرلیا ہے۔

رواں سال اب تک شمالی وزیرستان میں دہشت گردوں کے 28 سہولت کار گرفتار کیے جا چکے ہیں، گرفتار دہشت گردوں سے ملنے والی معلومات کے بعد مزید گرفتاریاں بھی متوقع ہیں گرفتار ہونے والے بیشتر دہشت گرد کرک،ہنگو، کرم اور ٹل کے مدارس میں پڑھتے تھے۔

حکام نے والدین سے اپیل کی ہے کہ بچوں کو مدارس میں داخل کرتے وقت چھان بین کے بعد مدارس کا انتخاب کریں ۔