باغی ٹی کی خبر پر ایکشن، بھوک کے سبب خودکشی کرنے والے کے ورثاء کو وزیراعلیٰ پنجاب کی طرف سے 3 لاکھ کی امداد

مظفرگڑھ کی تحصیل کوٹ ادو میں لاک ڈاؤن کے باعث بیروزگار ہونے والے مزدور کی خودکشی کی باغی ٹی وی کی خبر پر وزیراعلی پنجاب عثمان بزدار نے نوٹس لے لیا،وزیراعلی پنجاب کی جانب سے وفاقی وزیر مملکت شبیر علی قریشی نے مزدور کے اہلخانہ کو 3 لاکھ روپے کی امدادی رقم کا چیک دیا اور بیوہ کے لیے سرکاری نوکری کا اعلان کیا.
مظفرگڑھ، پانچ دن سے گھر میں فاقے، بچوں کو پانی سے روزہ افطار کرتے دیکھ کر باپ نے خودکشی کرلی
لاک ڈاؤن کے باعث مظفرگڑھ کی تحصیل کوٹ ادو میں نذیر نامی مزدور بیروزگار ہوگیا تھا،بیروزگاری،راشن نہ ملنے اور سرکاری امدادی رقم نہ ملنے کے باعث نذیر کے گھر فاقوں کی نوبت آگئی تھی.27 اپریل کو نذیر نے بھوک سے بلکتی اپنی بچیوں کو پانی سے روزہ رکھتے دیکھا تو زہریلی گولیاں کھاکر خودکشی کرلی،معاملے کی خبر باغی ٹی وی پر چلی تو وزیراعلیٰ پنجاب سردار عثمان بزدار نے بھی نوٹس لے لیا،وزیراعلی پنجاب کی ہدایت پر وفاقی وزیرمملکت شبیر علی قریشی خودکشی کرنے والے مزدور نذیر کے گھر پہنچے اور تعزیت کرنے کے بعد وزیراعلی پنجاب کی جانب سے 3 لاکھ روپے کی امدادی رقم کا چیک نذیر کے اہلخانہ کے حوالے کیا.وفاقی وزیرمملکت شبیر علی قریشی کا کہنا تھا کہ نذیر کی بیوہ کو حکومت کی جانب سے نوکری بھی فراہم کی جائیگی.وزیرمملکت شبیر علی قریشی کا کہنا تھا کہ نذیر کی خودکشی کے بعد انھوں نے وزیراعلی پنجاب سے نذیر کے اہلخانہ کی مالی امداد کے لیے اپیل کی تھی.

جواب چھوڑیں

آپ کا ای میل ایڈریس شائع نہیں کیا جائے گا.