سعد فاروق
وزیر اعظم شہباز شریف نے قوم سے خطاب میں کہا ہے کہ پاکستان اپنی خودمختاری پر کوئی سمجھوتہ نہیں کرتا، اور جو بھی اس پر ہاتھ ڈالے گا، اسے سیسہ پلائی دیوار کی طرح جواب دیا جائے گا۔
باغی ٹی وی کے مطابق شہباز شریف نے کہا کہ وزیر اعظم شہباز شریف دے کر عسکری تاریخ کا ایک سنہرا باب رقم کیا ہے۔ بھارت نے اپنی غرور میں پاکستان کی خودمختاری کو چیلنج کرنے کی ناکام کوشش کی، لیکن ہماری خودمختاری ہمارے لیے جان سے بڑھ کر عزیز ہے۔وزیر اعظم کے مطابق، بھارت نے پہلگام واقعے کا الزام لگا کر پاکستان پر جنگ مسلط کرنے کی کوشش کی۔ پاکستان نے ان الزامات پر تحقیقات کی پیشکش کی، لیکن بھارت نے اشتعال انگیزی کا سلسلہ جاری رکھا۔ دشمن کی جانب سے حالیہ کارروائیاں کھلی جارحیت تھیں، جن کا بھرپور جواب دیا گیا۔
انہوں نے کہا کہ پاکستان کی جوابی کارروائی میں دشمن کے فوجی اڈے تباہ کر دیے گئے اور بھارتی طیارے ایسے انجام کو پہنچے کہ تاریخ یاد رکھے گی۔ انہوں نے کہا کہ جو بات مذاکرات کی میز پر طے ہونی تھی، وہ اب میدان جنگ میں ہو رہی ہے، اور دنیا نے دیکھ لیا کہ پاکستان ایک خودمختار قوم ہے۔وزیر اعظم نے کہا کہ پوری قوم جنگ کے دوران افواجِ پاکستان کے ساتھ کھڑی رہی اور ہم نے دشمن کو اسی کی زبان میں جواب دیا۔ انہوں نے چیئرمین جوائنٹ چیفس آف اسٹاف، آرمی چیف، ائیر چیف اور نیول چیف سمیت تمام افواج کو شاندار کارکردگی پر مبارکباد دی۔
شہباز شریف نے کہا کہ بھارت کے جدید رفال طیارے پاکستان کے شیر دل جوانوں کے سامنے ناکام ہو گئے اور ان کے ایئربیس دیکھتے ہی دیکھتے کھنڈر بن گئے۔ ہم نے بھارت کے الزامات پر ابتدا میں صبر اور تحمل کا مظاہرہ کیا، لیکن جب دشمن حد پار کر گیا، تو ہم نے بھرپور جواب دیا۔آخر میں وزیر اعظم نے کہا کہ اب وقت آ گیا ہے کہ مسئلہ کشمیر اور پانی کی تقسیم جیسے اہم معاملات کو بہتر اور مستقل حل کی طرف لے جایا جائے۔
سیز فائر کے بعد فضائی حدود ہر قسم کی پروازوں کے لیے بحال
سیزفائر کے باوجود پاکستان اور آزاد کشمیر کے علاقوں میں دھماکوں کی آوازیں
