خرم لطیف کھوسہ کو رہا کرنے کا حکم

ہ کسی ملزم کے عمل کو دیکھا جاتا ہے اس کے وکیل ہونے کو نہیں,سرکاری وکیل
lhc

لاہور: سابق گورنر اور پاکستان تحریک انصاف کے رہنما لطیف کھوسہ کے صاحبزادےخرم لطیف کھوسہ کو لاہور ہائی کورٹ رہا کرنے اور درج کی گئی ایف آئی آر بھی خارج کرنے کا حکم دیا ہے۔

باغی ٹی وی: لاہور ہائیکورٹ میں خرم لطیف کھوسہ کی بازیابی کےلیے دائر درخواست پر سماعت ہوئی ،جسٹس علی باقر نجفی نے درخواست پر سماعت کی،جس میں عدالت نے انہیں پیش کرنے کا حکم دیا تھا، عدالت نے سرکاری وکیل سے استفسار کیا کہ انہیں کس کیس میں گرفتار کیا گیا؟ جس پر وکیل نے بتایا کہ جو ایف آئی آر آپ کے سامنے رکھی تھی، اسی کیس میں گرفتار کیا گیا، پہلے ایف آئی آر ہوئی، پھر انہیں گرفتار کیا گیا۔

سرکاری وکیل نے عدالت کو مزید بتایا کہ ملزم کا کہنا ہے کہ اس کی گرفتاری کل ہوئی ہے، قانون نافذ کرنے والے اداروں کے مطابق ان کی گرفتاری آج ہوئی، عدالت نے ریمارکس دئیے کہ آپ نے وکلا کو ہتھکڑیاں لگا کر کیوں عدالت میں پیش کیا؟ جس پر سرکاری وکیل کا کہنا تھا کہ قانون سب کےلیے ایک ہے۔

ادارہ شماریات نے مہنگائی کے نئےاعداد و شمار جاری کر دیئے

اس سے قبل تفتیشی افسر نے عدالت میں کہا کہ خرم لطیف کھوسہ نے پولیس افسر سے کہا تم مجھے جانتے نہیں ہو، میں 5 نسلوں سے وکالت میں ہوں،جس پر سرکاری وکیل نے جواب دیا کہ انہوں نے پولیس افسر کے کپڑے پھاڑے ہیں، عدالت نے ریمارکس دیے تو پھر آپ نے شرٹ قبضے میں لی ہوگی، جس پر سرکاری وکیل نے جواب دیا کہ جی، وہ شرٹ قبضے میں لی ہے سرکاری وکیل نے کہا کہ کسی ملزم کے عمل کو دیکھا جاتا ہے اس کے وکیل ہونے کو نہیں،عدالت نے دوبارہ استفسار کیا کہ ویڈیو میں شرٹ پھاڑنے کا عمل ریکارڈ ہوا ہوگا۔ جس پر وکیل نے جواب دیا کہ جی نہیں، وہ کسی اور ویڈیو میں ہوا ہوگا۔

عدالت نے استفسار کیا کہ اگر کسی نے غصہ میں کوئی بات کہہ دی تو کیا آپ دہشتگری کا پرچہ کاٹیں گے؟ جس پر سرکاری وکیل کا کہنا تھا کہ ٹنر روڈ پر پولیس کا جانا منع تو نہیں، 9 مئی کو بھی لوگوں نے جو کچھ کیا، اس کا تصور نہیں کیا جاسکتاعدالت نے ریمارکس دئیے کہ آپ 9 مئی والے واقعے کا اس سے نہ موازنہ نہ کریں، سرکاری وکیل نے کہا کہ نہ ہی یہ گرفتاری غیر قانونی ہے اور نہ غلط ہے،خرم لطیف کھوسہ کے وکیل نے مؤقف پیش کیا کہ ایف آئی آر میں جو درج ہے، ایسا کچھ نہیں ہوا، اگر ایسا کچھ ہوتا تو ویڈیو میں بھی ہوتاعدالت نے دلائل سننے کے بعد خرم لطیف کھوسہ کی ہتھکڑیاں کھولنے کا حکم دے دیا، اور درخواست ضمانت پر فیصلہ محفوظ کر لیا۔

پنجاب کو فنڈ کی ضرورت نہیں یہ کماؤ پتر ہے،نگران وزیراعظم

Comments are closed.