خورشید شاہ کی گرفتاری افسوسناک اور انتہائی قابل مذمت ہے، سید مراد علی شاہ

وزیر اعلیٰ‌ سندھ سید مراد علی شاہ نے خورشید شاہ کی گرفتاری کی شدید مذمت کی ہے،

باغی ٹی وی کی رپورٹ کے مطابق مراد علی شاہ نے کہا کہ خورشید شاہ کہیں بھاگ نہیں‌ رہے تھے، انہیں گرفتار کرنا افسوسناک ہے، پیپلز پارٹی اور مسلم لیگ ن نے پارلیمانی کشمیر کانفرنس کا بائیکاٹ کر دیا ہے، واضح‌ رہے کہ وزیر اعلیٰ‌ سندھ سید مراد علی شاہ بھی قومی پارلیمانی کشمیر کانفرنس سے چلے گئے ہیں، پیپلز پارٹی رہنما شیری رحمن نے کہا ہے کہ ایک طرف قومی یکجہتی کی باتیں کی جارہی ہیں اور دوسری طرف گرفتاریاں کی جارہی ہیں، شیری رحمان اور احسن اقبال کانفرنس سے چلے گئے ہیں،

خورشید شاہ کو کل احتساب عدالت پیش کیا جائے گا، واضح رہے کہ نیب راولپنڈی نے پیپلز پارٹی کےرہنما خورشید شاہ کو گرفتار کر لیا ہے، خورشید شاہ کو آمدن سے زائد اثاثہ جات کیس میں گرفتار کیا گیا ہے، خورشید شاہ کی گرفتاری کا نیب سکھر کو بتا دیا جائے گا، آج نیب میں وہ پیش نہیں ہوئے تھے،