خوشاب میں ڈاکخانہ ملازمین کا صحافیوں‌ پر تشدد، پی ایف یو جے کا شدید احتجاج، ملزمان کی گرفتاری کا مطالبہ

پی ایف یو جے کے صدر جی ایم جمالی اور سیکرٹری جنرل رانا محمد عظیم نے الیکٹرانک میڈیا ڈسٹرکٹ خوشاب کے صدر رانا ظہیر ساجد پر حملہ کی شدید مذمت کی ہے۔

باغی ٹی وی کی رپورٹ کے مطابق پاکستان فیڈرل یونین آف جرنلسٹ (پی ایف یو جے) کے عہدیداروں نے رانا ظہیر اور ان کے ساتھیوں کے ساتھ اظہار یکجہتی کرتے ہوئے کہا کہ بزرگ پنشنرز کے مسائل حل کرنے کیلئے جانے والی صحافیوں کی ٹیم پر حملہ کر کے انہیں زخمی کرنے والے پوسٹ ماسٹر اور دیگر کے خلاف فوری مقدمہ درج کیا جائے۔ خوشاب ڈاکخانہ کے پوسٹ ماسٹر اور ان کے سٹاف نے رانا ظہیر اور ان کے سٹاف پر حملہ کر کے انہیں شدید زخمی کیا جبکہ ان کا کیمرہ بھی چھین کر توڑ دیا تھا۔ پی ایف یو جے لیڈرشپ نے مطالبہ کیا ہے کہ مقامی انتظامیہ واقعہ کا فوری نوٹس لے اور مجرموں کو فوری گرفتار کیا جائے۔ پی ایف یو جے کی قیادت نےصوباٸی حکومت سے بھی مطالبہ کیا ہے کہ وہ صحافیوں کی سکیورٹی کو یقینی بنائے۔ پی ایف یو جے کی طرح‌ دیگر صحافتی تنظیموں نے بھی خوشاب میں‌ صحافیوں‌پر حملہ کی شدید مذمت کی ہے.

یاد رہے کہ ڈاکخانہ ملازمین نے خوشاب میں‌ صحافیوں پر حملہ کر کے 3 صحافی زخمی کر دیے ہیں جس پر صحافتی برادری سراپا احتجاج ہے.

جواب چھوڑیں

آپ کا ای میل ایڈریس شائع نہیں کیا جائے گا.