fbpx

کرن کی طبیعت پہلے سے کافی بہتر ہے انوپم کھیر

حال ہی میں بلڈ کینسر کا شکار ہونے والی سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر کے شوہر انوپم کھیر نے بتایا کہ اُن کی اہلیہ کی طبیعت میں پہلے سے بہتری آرہی ہے۔

باغی ٹی وی: گزشتہ روز انوپم کھیر نے سوشل میڈیا ویب سائٹ انسٹاگرام پر ایک لائیو سیشن رکھا جس میں اُنہوں نے اپنے مداحوں سے گفتگو کی لائیو سیشن کے دوران انوپم کھیر نے بلڈ کینسر کی شکار اپنی اہلیہ کرن کھیر کی طبیعت کے حوالے بھی مداحوں کو بتایا۔
https://www.instagram.com/p/COILSXnlpMh/
انوپم کھیر نے کہا کہ کرن کی طبیعت پہلے سے کافی بہتر ہے لیکن دوائیوں کی وجہ سے اُن کی صحت پر منفی اثرات بھی مرتب ہورہے ہیں

بالی ووڈ اداکار نے کہا کہ کرن کو مکمل طور پر صحتیاب ہونے میں وقت لگے گا کیونکہ یہ ایک بہت بڑا مرض ہے۔

اُنہوں نے کہا کہ کرن ایک باہمت خاتون ہیں اور مجھے پوری اُمید ہے کہ وہ اپنے جذبے سے اس مرض کو بہت جلد شکست دے دیں گی۔

انوپم کھیر نے مداحوں سے مخاطب ہوتے ہوئے کہا کہ اگر آپ سب کی دُعائیں کرن کے ساتھ ہیں تو سب کچھ ٹھیک ہوجائے گا۔


واضح رہے کہ 1983 سے بالی ووڈ میں اداکاری کے جوہر دکھانے والی اداکارہ کرن کھیر کے شوہر و اداکار انوپم کھیر نے اپنے ٹوئٹ کے ذریعے اہلیہ کے کینسر میں مبتلا ہونے کی تصدیق کی تھی۔

جواب چھوڑیں

آپ کا ای میل ایڈریس شائع نہیں کیا جائے گا.