مقبوضہ کشمیر، کشتواڑ‌ میں نماز جمعہ کے بعد ہر قسم کے سیاسی اجتماعات پر پابندی عائد

مقبوضہ کشمیر کے کشتواڑ علاقہ میں نماز جمعہ کے بعد ہر قسم کے احتجاج اور سیاسی سرگرمیوں پر پابندی لگا دی گئی ہے،

باغی ٹی وی کی رپورٹ‌ کے مطابق ضلع مجسٹریٹ کشتواڑ انگریز سنگھ رانا نے منگل کے روز ایک حکمنامہ جاری کیا ہے جس میں دفعہ 144 نافذ کرتے ہوئے کشتواڑ میں نماز جمعہ کے بعد ہر قسم کی سیاسی سرگرمیوں پر پابندی عائد کردی گئی ہے. اس سلسلہ میں جاری کردہ حکم نامہ میں کہا گیا ہے کہ بعض سیاسی لیڈر مبینہ طور پر جمعہ اجتماعات کی آڑ میں مظاہرے کرتے ہیں اوراس طرح کی صورتحال سے حساس قصبے میں فرقہ وارانہ کشیدگی پیدا ہوتی ہے جو بعد میں حالات کی خرابی پر منتج ہوتی ہے،

ضلع مجسٹریٹ‌کی طرف سے جاری کردہ حکم نامہ میں کہا گیا ہے کہ کشتواڑ‌ میں جمعہ کی نماز کے بعد ہر قسم قسم کی سیاسی سرگرمیوں پر پابندی عاید کی جاتی ہے اور اس حکم کا اطلاق اگلے احکامات تک جاری رہے گا،

جواب چھوڑیں

آپ کا ای میل ایڈریس شائع نہیں کیا جائے گا.