کسی کو بھی الیکشن کے دن قانون ہاتھ میں لینے نہیں دیں گے،محمد احمد شاہ
کراچی: نگران وزیر اطلاعات سندھ محمد احمد شاہ نے کہا ہے کہ کسی کو بھی الیکشن کے دن قانون ہاتھ میں لینے نہیں دیں گے، اسلحے کی نمائش پر زیرو ٹالرنس ہے، اسلحے کی نمائش پر گرفتار بھی کریں گے اور ایف آئی آر بھی کاٹیں گے۔
باغی ٹی وی: سندھ اسمبلی بلڈنگ میں اپیکس کمیٹی کے اجلاس کے حوالے سے بریفنگ دیتے ہوئے نگران صوبائی وزیر اطلاعات محمد احمد شاہ نے کہا کہ آج اپیکس کمیٹی میں اعلی قیادت سمیت تمام ایجنسیز کے نمائندہ گان موجود تھے اپیکس کمیٹی میں موبائل سروس بند کرنے کے حوالے سے کوئی معاملہ زیر بحث نہیں آیا کسی کو بھی الیکشن کے دن قانون ہاتھ میں لینے نہیں دیں گے، اسلحے کی نمائش پر زیرو ٹالرنس ہے، اسلحے کی نمائش پر گرفتار بھی کریں گے اور ایف آئی آر بھی کاٹیں گے۔
انہوں نے کہا کہ کراچی میں بھی بیلٹ پیپرز کل سےتقسیم ہونا شروع ہو جائیں گےکراچی، مٹیاری،سانگھڑ،شکار پور حساس ضلع ہیں اپیکس کمیٹی میں اطلاعات آئی ہیں کہ کچھ لوگ دہشت گردی کا پلان کر رہے ہیں دہشت گردی کے کسی بھی واقعے سے نمٹنے کے لیے تیا ر ہیں بلوچستان سے آگے تک کی سرحد بہت لمبی ہے جہاں سے دہشت گرد آ سکتے ہیں ہر ڈویژن کے ہیڈ کوارٹر میں کنٹرول روم بنے گا ڈائریکٹر انفارمیشن کنٹرول روم میں موجود رہیں گے انفارمیشن ڈپارٹمنٹ کل سے الیکشن سیل فعال کر دے گا پورے سندھ کی خبریں الیکشن سیل سے ملیں گی-
میرادور جاری رہتا تو پورے ملک میں کوئی بے روزگار نہیں رہتا،نواز شریف
نگران وزیر اطلاعات نے کہا کہ پیرا میڈیکل اسٹاف ہر وقت موجود رہے گاآرمی کی تعیناتی مکمل ہو چکی ہے۔ پولیس، رینجرز اور پھر آرمی ان کے درمیان رابطے ہوں گے، سختی سے ہدایت کی گئی ہے کہ واپسی میں بیلٹ پیپرز کی مکمل حفاظت کی جائے گی، جو بھی حساس ضلع ہیں وہاں ہمارا فوکس زیادہ ہو گا، کچے کے آس پاس کے علاقوں میں عارضی پولنگ اسٹیشنز بنائے جا رہے ہیں ڈسٹرکٹ ہیڈ کوارٹر میں بیلٹ پیپرز پہنچ چکے ہیں کچے کا انٹیلیجنس آپریشن مکمل ہو چکا ہے پاکستان کی مسلح افواج ،حکومت ،ایجنسیز سب ایک پیج پر ہیں صرف الیکشن کے دن کے لیے نہیں بلکہ اس کے بعد بھی ریڈ الرٹ رہے گا امن کے ساتھ الیکشن ہوگا الیکشن کے بعد کوئی دشمن فائدہ نا اٹھائے تو اس کے لیے بھی الرٹ رہیں گے۔
امریکا نے حملہ کیا تو بھرپور جواب دیں گے،ایران
پی ٹی آئی کے ورکرز کو پیغام دیتی ہوں، نفرت کی سیاست کو دفن کر …
