fbpx

کتنے فیصد پاکستانیوں کےگھر کا کوئی شخص بیرون ملک ملازمت کرتا ہے؟ گیلپ سروے

گیلپ پاکستان کے نئے سروے میں انکشاف کیا گیا ہے کہ 91 فیصد پاکستانیوں کے گھر کا کوئی شخص بیرون ملک ملازمت نہیں کرتا البتہ 9 فیصد شہریوں کے گھر کا کوئی نہ کوئی فرد بیرون ملک کام کرتا ہے۔

باغی ٹی وی : گیلپ پاکستان کے سروے میں ملک بھر سے 12 سو سے زائد افراد نے حصہ لیا یہ سروے 30 مئی سے 13جون 2022 کے درمیان کیا گیاسروے کےمطابق 91 فیصد پاکستانیوں نےگھر کے کسی فرد کے بیرون ملک کام نہ کرنے کا بتایا ہے جبکہ 9 فیصد پاکستانیوں نے گھر میں سے کسی شخص کے بیرون ملک کام کرنے کا کہا۔

پشاور:ایس ایچ او کانسٹیبل بیٹے کیساتھ منشیات امگل کرتے ہوئے رنگے ہاتھوں پکڑا گیا


سروے کے مطابق سب سے زیادہ خیبر پختونخوا سے 20 فیصد، پنجاب سے 9 فیصد، بلوچستان سے 5 فیصد جبکہ سندھ سے 4 فیصد افراد نے گھر کے کسی فرد کے بیرون ملک ملازمت کرنے کا بتایا ۔

ملک بھر میں موسم کی صورتحال


سروے میں سوال کیا گیا کہ بیرون ملک کام کرنے والے افراد کس ملک میں ہوتے ہیں ؟ اس پر43 فیصد نے دبئی جبکہ 33 فیصد نے سعودی عرب کا نام لیا 5 فیصد افراد نے آسٹریلیا، 3 فیصد نے قطر،2 فیصد نے برطانیہ اور 2 فیصد امریکا جبکہ 1 فیصد نے کینیڈا کا کہا 1 فیصد سے کم افراد نے ملائیشیا اور جرمنی کا کہا جبکہ 10 فیصد نے دیگر ملکوں کے نام لیے۔

ذوالحج کا چاند دیکھنے کیلیے مرکزی رویت ہلال کمیٹی کا اجلاس آج ہوگا