کوہاٹ، عدالت پیشی کے لئے آنے والا شخص قتل، قاتل گرفتار

کوہاٹ میں کچہری چوک پر فائرنگ سے ایک شخص جاں بحق ہو گیا

باغی ٹی وی کی رپورٹ کے مطابق جاں بحق شخص کی شناخت ضیاء کے نام سے ہوئی ،پولیس کے مطابق فائرنگ سے جاں بحق ہونے والا شخص عدالت میں پیشی کے لئے آیا تھا، پولیس نے قتل کرنے والے ملزم کو گرفتار کر لیا ہے ،پولیس نے موقع پر پہنچ کر لاش کو پوسٹ مارٹم کے لئے مقامی ہسپتال منتقل کر دیا

پولیس کا کہنا ہے کہ فائرنگ کرنے والے ملزم محسن کمال کو تھانہ کینٹ منتقل کر دیا گیا ہے جس سے تفتیش کی جائے گی اور قتل کا مقدمہ درج کیا جائے گا، پولیس نے ملزم سے آلہ قتل بھی برآمد کر لیا ہے، پولیس کا کہنا ہے کہ واقعہ دشمنی کا شاخسانہ لگتا ہے