ویرات کوہلی نے پاکستان کے خلاف میچ میں بڑا عالمی ریکارڈ اپنے نام کر لیا

ورلڈ کپ میں‌ بھارتی کرکٹ ٹیم کے کپتان ویرات کوہلی نے پاکستان کے خلاف عمدہ بیٹنگ کرتے ہوئے تیز ترین 11 ہزار رنز مکمل کرنے کا ریکارڈ اپنے نام کرلیا ہے۔ یہ اعزاز انہوں نے اپنے 230 ویں انٹرنیشنل میچ میں‌ سرانجام دیا ہے.

باغی ٹی وی کی رپورٹ کے مطابق پاکستان انڈیا کا میچ بارش کی وجہ سے روک دیا گیا ہے تاہم ویرات کوہلی 71 سکور پر کھیل رہے ہیں‌اور ناٹ آؤٹ‌ ہوئے ہیں. میچ میں‌ روہت شرما نے سنچری سکور کی ہے جبکہ ویرات کوہلی بھی بہت عمدہ کھیلے ہیں. بھارتی کھلاڑی ویرات کوہلی ا س سے قبل 229 ایک روزہ میچز میں 10 ہزار 943 رنز بناچکے ہیں۔ اسی طرح انہوں نے 41 سنچریاں اور 51 نصف سنچریاں‌ بنائی ہیں.

واضح‌رہے کہ ورلڈ کپ کے اہم میچ میں بھارت نے پاکستان کے خلاف عمدہ بیٹنگ جاری رکھتے ہوئے چار وکٹ کے نقصان پر 305 سکور بنا لئے ہیں جبکہ ابھی تین اوور کا کھیل باقی ہے تاہم بارش شروع ہونے پر کھیل روک دیا گیا ہے۔ روہت شرما 140 رنز بنا کر حسن علی کی گیند پر کیچ آؤٹ ہوئے. آخری کھلاڑی ہاردک پانڈیا آؤٹ اور دھونی آؤٹ ہوئے ہیں. کوہلی نے 71 سکور بنائے اور ابھی کریز پر موجود ہیں. پاکستانی باﺅلر میچ کے دوران نمایاں کارکردگی دکھانے میں ناکام رہے ہیں اور بھارتی کھلاڑی تیزی سے سکور میں اضافہ کر رہے ہیں۔ انڈیا کی جانب سے اننگز کا آغاز روہت شرما اور لوکیش راہول نے کیا، دونوں اوپنرز نے پر اعتماد انداز میں اننگز کا آغاز کیا اورپاکستانی باﺅلرز کو کھیلنے میں انہیں کسی قسم کی پریشانی کا سامنا نہیں کرنا پڑا۔

جواب چھوڑیں

آپ کا ای میل ایڈریس شائع نہیں کیا جائے گا.