کون بنے گا چمپیئن تحریر غلام مرتضی

0
17

ساتواں t20عالمی کپ عمان اور متحدہ عرب امارات میں برقی قمقموں کی روشنی میں جاری ہے ۔اس بار 16 ٹیمز کو 4 گروپس میں تقسیم کیا گیا ہے اور 45 میچز کھیلے جائیں گے ۔ٹورنامنٹ کا فائنل 14 نومبر کو کھیلا جائے گا ۔
اس شارٹ فارمیٹ کو انگلینڈ اور ویلز کرکٹ بورڈ نے 2003 میں متعارف کروایا ۔   کھیل کے اس مختصر دورانیئے کو خوب پذیرائی ملی ۔کھلاڑیوں سمیت تماشائی بھی خوب لطف اندوز ہوتے ہیں ۔کالی آندھی اپنے اعزاز کا دفاع کرے گی

پاکستان  24 اکتوبر کو روایتی حریف بھارت کے ساتھ کھیل کر اپنی مہم کا آغاز کرے گا۔ گزشتہ  کئی سالوں سے  پاک بھارت  سیریز تعطل کا شکار ہے ۔شائقین  کو پاک بھارت میچچ دیکھنے کا بے صبری سے انتظار رہتا ہے ۔جوں جوں وقت قریب آرہا ہے  میچ دیکھنے کو جوش و خروش بڑھتا جا رہا ہے ۔سرحد کے آر پار سمیت پوری دنیا میں  کرکٹ کے شوقین  پاک بھارت ٹاکرے کا بے چینی سے انتظار کررہے ہیں ۔اگر دونوں ٹیمز کے کپتانوں کا موازنہ کیا جائے تو کوہلی کا تجربہ بطور کپتان بابر اعظم سے کہیں زیادہ ہے ۔
  کوہلی نے 45 میچز میں کپتانی کے فرائض سرانجام دیئے ۔27 جیتے جبکہ 15 میں شکست ہوئی اس کے برعکس بابر اعظم نے 28 میچز میں کپتانی کی 15 میں سرخرو ہوئے 8میں شکست ہوئی،  دونوں ٹیمیں پہلے  2007 کے پہلے ایڈیشن میں  پنجا آزما ہوئیں وہ میچ ٹائی ہوا تھا بعد میں  بال آوٹ پر پاکستان کو شکست ملی ۔پھر اسی عالمی کپ کے فائنل میں ایک بار پھر آمنا سامنا ہوا دلچسپ مقابلے کے بعد شکست پاکستان کے حصہ میں آئی ۔بابر اعظم  نے ابو ظہبی میں بطور کھلاڑی 11میچز میں حصہ لیا اور تمام میچز میں پاکستان کو فتح نصیب ہوئی، ٹیم انڈیا کا ابوظہبی میں  اپنا پہلا میچ کھیلے گی۔عالمی کپ میں پاکستان اور بھارت پانچ بار آمنا سامنا ہوا  اور پانچوں بار جیت انڈیا کے حصہ میں آئی، دونوں ٹیمیز میں تگڑے بلے باز اور آل راونڈر موجود ہیں  جو اکیلے میچ جیتنے کی صلاحیت رکھتے ہیں، روہت شرما، کوہلی، کے ایل راہل، تجربہ کار بلے باز ہیں   ۔رشی پانت،  ثریا کمار یادو ،لمبی اننگز کھیلنے کی صلاحیت رکھتے ہیں ۔دو تجربہ کار  ال راونڈر  راویندر جدیجہ اور ہارڈک پانڈیہ بھی شامل ہیں ۔تیز گیند بازی   میں جسپریت بمرہ ،بھانشور کمار، اور محمد شامی پر مشتمل ہے اسپن گیند بازی روی چندرن اشون اور جدیجہ کے ہاتھ ہاتھ میں ہوگی ۔ اس کے برعکس محمد حفیظ اور شعیب ملک سنیئر اور تجربہ کار کھلاڑی ہیں  ۔ان  دونوں کھلاڑیوں کو ذمہ داری کا مظاہرہ کرنا ہوگا ۔  پاکستان کی بیٹنگ لائن بابر اعظم، محمد رضوان، حیدر علی، فخر  زمان   تجربہ کار شعیب ملک  اور پروفیسر حفیظ لمبی اننگز کھیلنے کی صلاحیت رکھتے ہیں ۔آصف علی بھی   جارحانہ انداز سے بیٹنگ کرنے کی پوری صلاحیت رکھتے ہیں ۔پاکستان کے تیز گیند بازی میں  شاہین آفریدی، حسن علی، حارث راوف، محمد حسنین، حریف ٹیم کی بیٹنگ لائن کے پرخچے اڑانے کی بھی صلاحیت رکھتے ہیں، اسپن گیندبازی شاداب،محمد نواز  ،عماد وسیم اور محمد حفیظ    کے ہاتھ میں ہوگی  ۔کس میں ہے کتنا دم کس کا بلا چلے گا،کس کی گھومتی گیندیں  بلے بازوں کو گھما کے رکھ دیں گی،یہ آنے والا وقت بتائے گا

  2009 میں انگلینڈ میں کھیلے جانے والا  دوسرا t20عالمی کپ پاکستان کے نام رہا ۔فائنل میں سری لنکا کو 8وکٹ سے شکست دی تھی۔فائنل میں شاہد آفریدی 40گیندوں پر 54 رنز کی ناقابل شکست اننگز کھیلی تھی ۔شعیب ملک کے ساتھ ملکر تیسری وکٹ پر 74رنز کی  ناقابل شکست شراکت داری قائم کی تھی ۔  اس ایڈیشن کے کامیاب گیند باز عمر گل تھے ۔عمر گل  13 وکٹ  لیکر سرفہرست رہے ۔عمر گل نے اوول کے میدان میں  3اوور میں صرف 6رنز کے عوض  کیویز کے 5بلے بازوں کی بتی گل کی تھی    ۔ 2007 کے پہلے ایڈیشن میں بھی عمر گل نے  13 شکار کیے تھے ۔

ریکارڈز 

مہیلا جے وردھنا  سب سے زیادہ عالمی کپ میں رنز بنانے والے بیٹسمین ہیں 1016 اسکور بنائے ہیں
کریس گیل دوسرے نمبر پر انکے رنز کی تعداد 920 ہے۔کوہلی 777 رنز کے ساتھ چوتھے نمبر  پر  ہیں

کریس گیل،واحد کھلاڑی ہیں  جس نے  t20عالمی کپ میں  2 سیکڑے بنا رکھے ہیں

سب سے زیادہ چھکے لگانے کا اعزاز بھی کریس گیل کے پاس ہے 26 میچز میں 60 چھکے لگا چکے ہیں دوسرے نمبر پر   پوراج سنگھ ہے نے33 چھکے اور  بوم،بوم افرید 21 چھکوں کے ساتھ چوتھے نمبر پر ہیں
تیز ترین  100 رنز بنانے کا اعزاز بھی کریس گیل کے پاس ہے  2016 میں 48گیندوں پر100 بنائے تھے ۔اس ایونٹ میں یوراج سنگھ  12 گیندوں پر 50 رنز بنا چکے ہیں  جو کہ ایک ریکارڈ ہے

انفرادی طور پر کریس گیل ایک اننگز میں 11چھکے لگا چکے ہیں

اس ایونٹ میں آفریدی 34 میچ کھیل کر 39 وکٹس لیکر سرفہرست ہیں
دوسرے نمبر  پر ملنگا 31 میچز میں  38 وکٹس
سعید اجمل 23میچز میں 36 وکٹس اپنے نام کرچکے ہیں

صفر پر آوٹ

بوم بوم آفریدی  34میچز میں سب  سے زیادہ 5بار آوٹ ہوئے
دوسرے نمبر پر دلشان  بھی 5بار آوٹ ہوئے
تیسرے نمبر پر اکمل برادران ہیں جو بالترتیب 3،3بار آوٹ ہوئے

ٹاپ اسکورر 

کوہلی 2014 کے ایڈیشن میں  سب سے زیادہ 319 رنز بنائے تھے جو کہ ایک ریکارڈ ہے
کوہلی کو سب سے زیادہ 9 بار 50 رنز بنانے کا اعزاز بھی حاصل ہے

کالی آندھی کو  2بار T20 عالمی کپ جیتنے کا اعزاز بھی حاصل ہے
انڈیا، پاکستان، انگلینڈ، سری لنکا  نے ایک ایک بار چمپیئن بننے کا اعزاز حاصل ہے 

فیورٹ

عالمی کپ شروع ہوتے ہی کرکٹ پنڈت قیاس آرائیاں  شروع کردیتے ہیں  کونسی چار ٹیمیں  سیمی فائنل کھلیں گی ۔  انگلینڈ، انڈیا، پاکستان، کالی آندھی کو  سیمی فائنل کھیلنے  کی پیش گوئی کر رہے ہیں ۔جنوبی افریقہ، کیویز اور لنکن ٹائیگرز کو بھی  نظر انداز نہیں کیا جاسکتا ۔

‎@__GHulamMurtaza 

Leave a reply