نہ ماہرہ نہ سجل ، میں بنوں گی مینا کماری ، میرا کا دعوی

0
46

لالی وڈ اداکارہ میرا نے حال ہی میں ایک دعوی کیا ہے اور وہ دعوی ہے مینا کماری بننے کا. کافی دن سے یہ خبریں چرچا کررہی ہیں کہ فلم پاکیزہ کا ریمیک بننے جا رہا ہے اور اس میں ماہرہ خان اور سجل علی کو مینا کماری کا کردار آفر کیا گیا ہے تاہم ان کی طرف سے اس کی تصدیق یا تردید نہیں‌ہوئی کہ انہیں مینا کماری کا کردار آفر ہوا ہے. لیکن فلمسٹار میرا نے ایک انٹرویو میں دعوی کیا ہے کہ وہ مینا کماری بنیں گی ، انہوں نے کہا کہ پاکیزہ بنانے والے فلم میکرز سے میرے معاملات فائنل ہو چکے ہیں ، میں مینا کماری کے کردار کو نبھانے کےلئے تیاری بھی کررہی ہوں، دوسری طرف انہوں نے یہ بھی بتایا کہ فلم پاکیزہ میں دیگر کاسٹ کونسی ہو گی اس بارے میں ان کو آگاہی نہیں ہے. میرا سے جب یہ سوال ہوا کہ

آپ کو معلوم ہے کہ مینا کماری کے کردار کے لئے ماہرہ خان کا نام بھی مارکیٹ میں چل رہا ہے تو اس پر میرا نے کہا کہ مجھے اس بارے میں نہیں‌ پتہ. میرا نے مزید کہا کہ میری کوشش ہے کہ میں مینا کماری کا کردار کرنے کے لئے اپنی جان لگا دوں اور مجھے یہ بھی امید ہے کہ میرے مداح مجھے اس کردار میں ضرور پسند کریں گے.

Leave a reply