کے پی حکومت کا ہیلی کاپٹر استعمال کرنیوالے 1800 افراد کی فہرست سامنے آگئی

0
23

عمران خان پرہیلی کاپٹراستعمال کرنےکے کیس کے معاملے پرنیب نےالیکشن کمیشن کوخط لکھ دیا،نیب نے پبلک اکاونٹس کمیٹی کی ہدایت پر الیکشن کمیشن کوخط لکھ دیا،نیب نے مراسلے میں عمران خان کے ہیلی کاپٹر استعمال کو اختیار ات سےتجاوز قرار دیدیا، مراسلے میں کہا گیا کہ عمران خان کےعلاوہ40سےزائدسیاسی شخصیات نےخیبرپختونخوا حکومت کاہیلی کاپٹراستعمال کیا،نیب نےہیلی کاپٹراستعمال کرنےوالوں سےریکوری کیلئےخیبر پختونخواحکومت کوکیس ریفرکردیا،نیب کے مطابق ہیلی کاپٹراستعمال کرنےوالی سیاسی شخصیات کےذمہ9کروڑ68لاکھ سےزائدرقم واجب الاداہے،عمران خان پرہیلی کاپٹراستعمال کرنےکی مدمیں6کروڑ39 لاکھ ہے،نیب نے ہیلی کاپٹرکاناجائزاستعمال کرنے پرسہولت کاروں کیخلاف بھی کارروائی کی سفارش کر دی.

کے پی حکومت کا ہیلی کاپٹر استعمال کرنے والے 1800 افراد کی فہرست نیب نے پبلک اکاؤنٹس کمیٹی (پی اے سی) میں پیش کر دی۔

رپورٹ کے مطابق پی ٹی آئی رہنما فیصل جاوید نے ہیلی کاپٹر پر 10 مفت وزٹ کیے جبکہ سابق وزیراعظم کی اہلیہ ریحام خان نے 2 بار ہیلی کاپٹر پر مفت سفر کیا، ابرار الحق نے بھی ہیلی کاپٹر پر 2 ٹرپ مفت کیے۔

پی ٹی آئی رہنما شہر یار آفریدی، حفیظ اللہ اور امین اسلم بھی ہیلی کاپٹر استعمال کرتے رہے جبکہ صحافیوں میں فریحہ ادریس، ڈاکٹر شاہد مسعود اور ارشد شریف کا نام بھی شامل ہے۔
رپورٹ پر چیئرمین پی اے سی نور عالم خان کا کہنا تھا کہ مفت ہیلی کاپٹر استعمال کرنے والوں سے ریکوری کرکے رقم نیب میں جمع ہوگی۔

انہوں نے کہا کہ میری جان کو خطرہ ہے جس وجہ سےمجھے وزیراعظم نے دو گاڑیاں دی ہیں جس میں ایک بلٹ پروف ہے، مجھے ایک پارٹی لیڈر اور اس کے حواریوں نے نشانہ بنانے کی کوشش کی، لیکن بُلٹ پروف گاڑی واپس کر رہا ہوں کیونکہ میں اس کا پیٹرول نہیں برداشت کر سکتا۔

چیئرمین پی اے سی نے کہا کہ آج کل پنجاب کا ہیلی کاپٹر بھی بہت زیادہ استعمال ہو رہا ہے نیب اس کو بھی چیک کرے۔ پی اے سی کی جانب سے نیب کو 1800 افراد کی لسٹ پیش کرنے پر تعریفی خط بھی لکھا گیا۔

Leave a reply