خیبرپختونخوا میں سیکیورٹی فورسز نے مختلف کارروائیاں کرتے ہوئے 13 خوارجی دہشتگردوں کو ہلاک کردیا۔
پاک فوج کے شعبہ تعلقات عامہ ( آئی ایس پی آر) کے مطابق سیکیورٹی فورسز نے 12 اور 13 فروری کو خیبر پختون خواہ میں 5 کارروائیوں کے دوران 13 خارجی دہشت گردوں کو ہلاک کیا۔ ڈی آئی خان کے علاقے کلاچی میں انٹیلیجنس بیسڈ آپریشن کیا گیا جس میں شاہ گل عرف روحانی سمیت 5 دہشتگرد ہلاک ہوگئے۔ شمالی وزیرستان میں دو الگ الگ جھڑپوں میں 5 خوارج ہلاک ہوئے۔آئی ایس پی آر کے مطابق لکی مروت میں سیکیورٹی فورسز نے کارروائی کرتے ہوئے 2 دہشتگرد مارے گئے جبکہ خیبر ضلع کے علاقے باغ میں ایک دہشتگرد ہلاک ہوا۔ترجمان پاک فوج کا کہنا ہے کہ ہلاک دہشتگرد سیکیورٹی فورسز اور معصوم شہریوں کے قتل میں ملوث تھے، سیکیورٹی فورسز کا عزم غیر متزلزل ہے اور دہشتگردوں کے خاتمے کے لیے آپریشنز جاری ہیں۔
آئی ایس پی آر کے مطابق ہلاک دہشتگردوں سے بھاری مقدار میں اسلحہ اور گولہ بارود برآمد کیا گیا ہے۔ پاکستان سے دہشتگردی کے مکمل خاتمے تک آپریشن جاری رہے گا۔ خیبرپختونخوا میں سیکیورٹی فورسز کی کامیاب کارروائیاں اور ملک دشمن عناصر کی سرکوبی جاری ہے۔
وزیر اعظم شہباز شریف کی سیکیورٹی فورسز کی پزیرائی:
وزیرِ اعظم شہباز شریف نے خیبرپختونخوا میں خوارج کے خلاف مختلف مقامات پر کامیاب آپریشنز پر سیکیورٹی فورسز کے افسران و اہلکاروں کی پزیرائی کی ہے۔وزیرِ اعظم نے ڈیرہ اسماعیل خان، شمالی وزیرِ ستان، لکی مروت اور ضلع خیبر میں میں مجموعی طور پر 13 خوارج کو جہنم واصل کرنے پر سیکیورٹی فورسز کی پیشہ ورانہ صلاحیتوں کی تعریف کی۔وزیر اعظم شہباز شریف نے کہا کہ دھشتگردی کے خلاف جنگ میں پوری قوم افواج پاکستان کے شانہ بشانہ کھڑی ہے.دھشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے. ملک دشمن عناصر کے عزائم خاک میں ملانے پر پوری قوم کو افواج پاکستان پر فخر ہے.
وزیر داخلہ محسن نقوی کا سیکیورٹی فورسز کو خراج تحسین:
وفاقی وزیرداخلہ محسن نقوی نے خیبرپختونخوا میں 5 کامیاب انٹیلیجنس بیسڈ آپریشنز پرسکیورٹی فورسز کو زبردست الفاظ میں خراج تحسین پیش کیا۔انہوں نے کہا کہ سیکیورٹی فورسز نے ایک بارپھر بروقت آپریشن کرکے 13 خوارجی دہشتگردوں کو عبرتناک انجام تک پہنچایا۔13 خوارجی دہشتگردوں کو جہنم واصل کرکے سیکیورٹی فورسز نے بڑی کامیابی حاصل کی ہے۔محسن نقوی نے کہا کہ قوم کو بلاشبہ سکیورٹی فورسز کی پیشہ وارانہ صلاحیتوں اور جرات پر فخر ہے۔ خوارجی دہشتگردوں کے مذموم عزائم ناکام بنانے پر سکیورٹی فورسز کی تحسین کرتے ہیں۔پاکستان کی بہادر سکیورٹی فورسز نے خوارجی دہشتگردوں کے ناپاک عزائم کو ناکام بنایا۔ سکیورٹی فورسز کے خیبرپختونخوا میں قیام امن کیلئے اقدامات لائق ستائش ہیں۔ قوم خوارجی دہشتگردوں کے خاتمے کیلئے سکیورٹی فورسز کے شانہ بشانہ کھڑے ہیں۔
ترک صدرپاکستان کا دورہ مکمل کر کے واپس وطن روانہ
