fbpx

خلیل الرحمان قمر کا ٹک ٹاکرز کو اہم مشورہ

پاکستان کے معروف لکھاری خلیل الرحمان قمر کا ٹک ٹاکرز کے بارے میں کہنا ہے کہ یہ کہاں کے اسٹارز ہیں اللہ انہیں راہ ہدایت پر لائے-

باغی ٹی وی : حال ہی میں ایک دیئے گئے انٹرویو کے دوران خلیل الرحمان قمر نے جہاں پاکستان شوبز انڈسٹری اورفنکاروں سے متعلق باتیں کیں۔ وہیں ٹک ٹاکرز کو بھی اہم مشورے سے نواز دیا-

میزبان نے جب ان سے پوچھا کہ آپ کو ایک خاتون میں سب سے زیادہ کیا چیز متوجہ کرتی ہے؟ اچھا میک اپ، اچھا لباس یا اس کا بات کرنے کا انداز؟میزبان کے سوال کے جواب میں خلیل الرحمان قمر نے کہا مجھے کسی بھی خاتون کی حیا اور وفا اس میں سب سے اچھی لگتی ہے۔

شو کے دوران خلیل الرحمان قمر نے ٹک ٹاکرز کے بارے پوچھے گئے سوال پر بات کرتے ہوئے کہا یہ کہاں کے اسٹارز ہیں اللہ انہیں راہ ہدایت پر لائے۔ تاہم انہوں نے بہت سے ٹک ٹاکرز کو باصلاحیت بھی قرار دیا۔

خلیل الرحمان قمر نے ٹک ٹاکرز کو مشورہ دیا کہ آپ اس طرح ٹک ٹاک نہ بنائیں کہ کسی کے بولے ہوئے لفظوں پر پرفارمنس دیں بلکہ خود بولیں۔ جب ٹک ٹاکرز اپنی آواز میں خود جملے بولیں گے تو ہمیں پتہ چلے گا کہ ان میں ٹیلنٹ کتنا ہے اور اس طرح وہ ڈاراما سازوں کی نظروں میں آئیں گے۔ کیونکہ کسی بھی ٹک ٹاکر کا مقصد یہ ہوتا ہے کہ اسے کسی ڈرامے میں کاسٹ کرلیا جائے۔

صدف کنول کے نوجوان لڑکیوں کو کامیاب ازدواجی زندگی سے متعلق مشورے ، ویڈیو کے سوشل میڈیا پر چرچے