fbpx

کویتی قونصل جنرل سلیمیوسف الحمدان کی وزیراعلیٰ سندھ مراد علی شاہ سے ملاقات

کویت کے قونصل جنرل سلیمیوسف الحمدان نے وزیراعلیٰ سندھ سید مراد علی شاہ سے ملاقات کی اور کورونا وائرس کے خلاف اپنی حکومت کے تعاون کی پیشکش کی۔وزیراعلی ٰسندھ نے کہا کہ انہوں نے کراچی کی علاقے نیپا میں انسٹیٹیوٹ آف انفیکشز ڈزیز قائم کیا ہے۔انہوں نے کہا کہ انسٹیٹیوٹ کورونا وائرس کے مریضوں کیلئے اسپتال کے طور پر خدمات انجام دے رہا ہے لیکن وہ مختلف قسم کے متعدی امراض کے خلاف تحقیق شروع کرے گااور وہ حیدرآباد اور کراچی میں بھی اسی طرح کی سہولت قائم کرنا چاہتے ہیں۔ مراد علی شاہ نے یاد دلایا کہ کویت حکومت نے وزیر اعظم شہید ذوالفقار علی بھٹو کے دور میں ہوٹل انڈسٹری میں سرمایہ کاری کی اورکویت نے کراچی میں ایک فائیو اسٹار ہوٹل قائم کیا تھا۔ذوالفقار علی بھٹو نے کویت میں پاکستان کے ہنرمند اور غیر ہنر مند افراد کی ایک بڑی تعداد کو روزگار دیا تھا لہذا ہم کویت حکومت اور انکے لوگوں کا احترام کرتے ہیں اور انہیں اپنا بھائی سمجھتے ہیں۔وزیراعلیٰ سندھ نے کہا کہ انہوں نے کویت میں کام کیا ہے اور جلد ہی اپنے پرانے دوستوں سے ملنے کیلئے کویت جائیں گے۔

جواب چھوڑیں

آپ کا ای میل ایڈریس شائع نہیں کیا جائے گا.