fbpx

3 ماہ بعد آلودہ ترین شہروں کی فہرست میں 10 ویں نمبر پر

لاہور،محکمہ تحفظ ماحولیات پنجاب نے آج کا ایئر کوالٹی انڈیکس جاری کردیا ہے-

باغی ٹی وی : محکمہ تحفظ ماحولیات پنجاب کی جانب سے جاری کردہ رپورٹ کے مطابق لاہورشہرکے مختلف علاقوں میں بونداباندی کا سلسلہ جاری ہے جس کے باعث ائیر کوالٹی انڈکس میں واضح کمی ہوئی ہے اور لاہور 3 ماہ بعد آلودہ ترین شہروں کی فہرست میں 10 ویں نمبر پر آگیا-

محکمہ ماحولیات کے مطابق لاہور شہر کا ائیر کوالٹی انڈکس 159 پر موجود ہے جبکہ گلبرگ مراتب علی روڈ کا علاقہ 380 پوائنٹس کے ساتھ آلودہ ترین علاقہ ہے ٹاؤن ہال لاہور میں ائیر کوالٹی انڈیکس 136ریکارڈ کیا گیا،ٹاؤن شپ سیکٹر ٹو میں ایئر کوالٹی انڈیکس85ریکارڈ کیا گیا-

بلوچستان میں مغربی ہواؤں کا دوسرا سلسلہ داخل ہونے کا امکان

محکمہ تحفظ ماحولیات کے مطابق سندر انڈسٹریل اسٹیٹ لاہور میں ایئر کوالٹی انڈیکس 218 بذریعہ موبائل وین ریکارڈ کیا گیا جبکہ نیشنل ہاکی اسٹیڈیم لاہور کا ایئر کوالٹی انڈیکس 185ریکارڈ کیا گیا-

محکمہ تحفظ ماحولیات کی رپورٹ کے مطابق راولپنڈی میں ایئر کوالٹی انڈیکس 58ریکارڈ کیا گیا، رحیم یار خان میں ایئر کوالٹی انڈیکس109 جبکہ فیصل آباد میں 81ایئر کوالٹی انڈیکس ریکارڈ کیا گیا-

دوسری جانب پنجاب کے مختلف شہروں اور کشمیر میں کہیں ہلکی اور کہیں تیز بارش کا سلسلہ جاری ہے بلوچستان میں شدید بارشوں سے شیبی علاقے زیر آب آگئے چمن شہر اور مضافات میں طوفانی بارش نے تباہی مچادی محکمہ موسمیات کے مطابق بارش برسانے والا طاقتور ترین سسٹم شمالی بلوچستان میں اثردیکھانے لگا پہاڑی علاقوں سے آنےوالے ریلوں کی شدت میں کمی آنا شروع ہو گئی ہے –

طوفانی بارشوں نے تباہی مچا دی، کئی شہروں میں سیلابی صورتحال

چمن انتظامیہ کے مطابق سیلابی ریلوں نے سوسے زائد گھروں اور اسکولوں کو نقصان پہنچایا ہے جبکہ رابطہ سڑکیں متاثر ہونے سے مسافروں کو شدید مشکلات کا سامنا ہے اندرون شہر اور مضافاتی علاقوں میں سیلابی ریلوں کےباعث آمدورفت معطل ہے ڈپٹی کمشنرجمعہ داد خان مندوخیل نے متاثرہ علاقوں کا دورہ کیا اور ہنگامی صورت حال میں فوری امداد کی فراہمی کیلئے فلڈ کنٹرول روم قائم کرنے کی ہدایت کی کہا کہ ہنگامی صورت حال میں فلڈ کنٹرول روم نمبر 0826612288 پر رابطہ کریں-

حیدر آباد میں شہر اور گردونواح میں بارش ،متعدد علاقوں میں بجلی کی فراہمی معطل ہے اوچ شریف شہر اور گردونواح میں وقفے وقفے سے جبکہ جڑانوالہ شہر اور گردونواح میں بارش کا سلسلہ جاری اور لیاقت پورشہر اور گرد و نواح میں وقفے وقفے سے بوندا باندی جاری ہے

وادی زیارت میں رات گئے ہلکی برفباری شروع ہوئی برفباری کے باعث سردی کی جہاں شدت میں اضافہ ہوا وہیں شدید سردی میں گیس کی سپلائی بھی مکمل معطل ہے ادھر فورٹ عباس شہر اور چولستان میں رات سے وقفے وقفے سے بارش کا سلسلہ جاری ہے زرعی ماہرین کا کہنا ہے کہ فورٹ عباس بارش گندم کی فصل کے لیے فائدہ مند ہوگی-

کراچی کے بیشتر علاقوں میں بارش کے دوران بجلی کی فراہمی جاری رہی جبکہ گلستان جوہر،ملیر،اورنگی ٹاون کے بعض علاقوں میں بجلی بند ہے ترجمان کے الیکٹرک کا کہنا ہے کہ کے الیکٹرک کے 1900 سے زائد میں سے 1825 فیڈرز فعال ہیں 85کے قریب فیڈرز کو حفاظتی بنیادوں پر عارضی طور پر بند کیا گیا ہے شاہ فیصل سمیت حب کے بعض علاقوں میں احتیاط کے طور پر بجلی بند کی گئی-

پنجاب سے اغوا کی گئی لڑکیوں کو ملزمان کراچی چھوڑ کر فرار

Facebook Notice for EU! You need to login to view and post FB Comments!