fbpx

لاہور کے ہسپتال میں کورونا سے ننھی جانیں اللہ کو پیاری ہوگئیں

لاہور کے ہسپتال میں کورونا سے ننھی جانیں جاں بحق

باغی ٹی وی : کورونا کی وجہ سے چلڈرن ہسپتال میں دو بچے جاں بحق ہوگئے . کرونا وائرس کی نئی لہر بچوں کو بہت تیزی سے متاثر کررہی ہے لاہور کے چلڈرن ہسپتال میں اب تک دو سے دس سال کے 11 بچے کرونا کا شکار ہوچکے ہیں ۔ پمز میں آٹھ دن کا بچہ وینٹی لیٹر پر ہے ۔ چلڈرن ہسپتال میں دو روز میں چارکورونا کے مریض بچے داخل ہوئے ہیں.، ادھر بلاول زرداری کے حلقے لاڑکانہ کے ہسپتال میں معصوم زندگی سہولیات کا فقدان ہونے کے باعث ختم ہوگئی..

پاکستان میں کرونا کی تیسری لہر جاری ہے، کرونا مریضوں اور اموات میں مسلسل اضافہ ہو رہا ہے

کرونا وائرس سے پاکستان میں مزید 78 اموات اور 4 ہزار757 نئے مریض سامنے آئے ہیں۔ این سی او سی کے مطابق کورونا کی تیسری لہر کے دوران پاکستان میں مثبت کیسزکی شرح10.8 فیصد ہے پاکستان میں کورونا سے اموات کی مجموعی تعداد 14 ہزار434 تک پہنچ گئی ہے جبکہ مریضوں کی مجموعی تعداد 6 لاکھ67 ہزار957 ہو گئی ہے۔ پاکستان میں کرونا کے ایکٹو کیسز کی تعداد 50ہزار397 ہے اور 6 لاکھ3ہزار126 افراد کورونا سے صحتیاب ہو چکے ہیں۔

این سی او سی کے مطابق کورونا سے پنجاب میں 6 ہزار365 اموات، سندھ میں 4 ہزار497، خیبر پختو نخوا 2 ہزار342، اسلام آباد568، گلگت بلتستان 103، بلوچستان میں 207 اور آزاد کشمیر میں 352 افراد جان کی بازی ہار چکے ہیں۔اسلام آباد میں کورونا کیسزکی تعداد 57 ہزار833، خیبر پختونخوا 87ہ زار55، سندھ 2 لاکھ 65 ہزار433، پنجاب 2 لاکھ 20 ہزار392، بلوچستان 19 ہزار557، آزاد کشمیر 12 ہزار663 اور گلگت بلتستان میں5ہزار24 افراد کورونا سے متاثر ہوچکے ہیں۔

این سی او سی جانب سے پاکستان کے 26 اضلاع ہائی رسک قرار دیئے گئے ہیں۔لاہور، فیصل آباد، گوجرانوالہ، بہاولپور، منڈی بہاؤالدین، ملتان، اوکاڑہ، رحیم یار خان، راولپنڈی، گجرات، شیخوپورہ، سرگودھا، سیالکوٹ، ٹوبہ ٹیک سنگھ متاثر، مظفر آباد، میر پور، کوٹلی، پشاور، سوات، نوشہرہ ، دیر لوئر، مالاکنڈ، صوابی، چارسدہ اور ہری پور ہائی رسک اضلاع میں شامل ہیں

جواب چھوڑیں

آپ کا ای میل ایڈریس شائع نہیں کیا جائے گا.