لاہور پولیس کا اشتہاریوں کے خلاف بڑے پیمانے پر کریک ڈاؤن

باغی ٹی وی :لاہور پولیس کا اشتہاریوں کے خلاف بڑے پیمانے پر کریک ڈاؤن
ایس ایس پی انویسٹی گیشن عبدالغفار قیصرانی کے مطابق قتل، اقدام قتل، ڈکیتی اور راہزنی سمیت دیگر وارداتوں میں مفرور ملزمان کو پناہ دینے والوں کے خلاف آپریشن کیا گیا، سی سی پی او لاہورغلام محمود ڈوگر کی ہدایت پروسیع پیمانے پر کریک ڈاؤن کیا گیا،
روپوش اشتہاری ملزمان کی گرفتاری کے لیے چھاپوں کے دوران بڑی مقدار میں اسلحہ قبضہ میں لے لیا گیا، کریک ڈاؤن کے دوران بھاری مقدار میں ناجائز اسلحہ اور اشتہاری ملزمان گرفتار،ا

چھاپوں کے دوران دہشت گردی و سنگین جرائم کے اشتہاری ملزمان کو بھی گرفتار کیا گیا، گرفتار ملزمان سے3کلاشنکوف، 29رائفلیں، بندوقیں، 27پسٹل اورسینکڑوں گولیاں و کارتوس برآمد کر لیے .گرفتار ملزمان میں اقبال عرف بالی، امیر فتح ٹیپو، معصب، رمضان بٹ شامل ہے .
ایس ایس پی انویسٹی گیشن عبدالغفار قیصرانی کے مطابق ملزمان میں اللہ دتہ عرف ہیرا، الیاس گجر بالی بٹ بھی گرفتار کیا گیا . ملزمان میں رفیق، حسنین، وارث، اعجاز ابراہیم، رانا مدثر، کاشف شامل ہے .شہر بھر میں چھاپوں کے دوران مجموعی طور پر 97ملزمان کو گرفتار کیا گیا،

اس موقع پر انہوں نے عزم کا اظہار کیا کہ جرائم پیشہ عناصر کے خلاف بلا امتیاز بھر پور کارروائیاں جاری رہیں گی.اشتہاریوں کو پناہ دینے والوں کے خلاف زمین تنگ کر دی جائے گی،کارروائیوں سے شہر بھر میں کلاشنکوف کلچر کا خاتمہ کیا جائے گا،بدمعاش، رسہ گیروں اور غنڈہ عناصر کی شہر میں کوئی جگہ نہیں،
شہر میں رہنا ہے تو مہذب شہریوں کی طرح رہا جائے،لاہور پولیس نئی قیادت کے زیر سایہ نئے ولولے اور جوش و جذبے سے شہریوں کے تحفظ کو یقینی بنائے گی،
٭٭٭٭٭٭۔

جواب چھوڑیں

آپ کا ای میل ایڈریس شائع نہیں کیا جائے گا.