لاہور کے پارک میں فائرنگ کا واقعہ ، ملزمان کو پولیس نے گرفتار کر لیا

0
26

پنجاب کے صوبائی دارالخلافہ کے فیملی پارک میں فائرنگ کا واقعہ پیش آیا ہے۔

باغی ٹی وی کی رپورٹ کے مطابق لاہور کے جیلانی پارک میں ڈاگ شو جاری تھا جس میں بڑی تعداد میں فیملیز بھی شریک تھیں۔اسی شو کے دوران جھگڑا ہوا جس پر ایک فریق نے فائرنگ کردی جس کے باعث لوگوں میں خوف و ہراس پھیل گیا۔ ملزمان فائرنگ کرتے ہوئے موقع سے فرار ہوگئے

لاہور کے جیلانی پارک جیل روڈ پر دو گروپوں کے مابین شدید لڑائی جھگڑا ہوائی فائرنگ کا تبادلہ ہوا، دونوں گروپوں کے درمیان ہوائی فائرنگ ڈاگ شو کے دوران ہوئی ۔اسپیشل ویزیبلٹی ٹیم ڈولفن نےفائرنگ کرنے والے دو ملزمان کو گرفتار کرلیا ۔دوسری جانب عینی شاہدین کا کہنا ہے کہ ایک شخص کا کتا مقابلے میں ہار گیا جس پر طیش میں آکر اس نے اپنے گارڈز سے فائرنگ کروائی

ملزمان کے قبضہ سے آتشیں اسلحہ برآمد ہو گیا، ڈولفن ٹیم نے ملزمان سراج و خالق کو تھانہ ریس کورس کے حوالے کردیا ۔ملزمان کو موقع پر گرفتار کرنے والی ٹیم کے لیے تعریفی اسناد کا اعلان بھی کیا گیا

Leave a reply