لاہور میں جعلی بم دیکھا کر ڈکیتی کی کوشش۔ ڈولفن فورس نے کیا کیا

لاہور کے علاقے شفیق آباد میں ڈولفن ٹیم262 نے فارمیسی کو اپنے جسم پر بم کا جعلی باکس باندھ کر لوٹنے کی کوشش ناکام بنا دی۔

باغی ٹی وی کو ملنے والی تفصیلات کے مطابق ڈولفن سکواڈکو اطلاع موصول ہوئی کہ فارمیسی میں واردات ہو رہی ہے۔ ڈولفن ٹیم 262 کے پہنچنے پر ملزم نے نقلی بم باکس کو جسم پر باندھا ہوا تھا۔ ملزم نے ڈولفن ٹیم کونقلی بم دکھا کر ڈرانے کی کوشش کی اور جان سے مار دینے کی دھمکیاں بھی دیں۔ ڈولفن ٹیم نے فارمیسی میں نقلی بم نما باکس باندھ کر واردات کرنیوالا ملزم سرفراز کو گرفتار کر لیا۔ڈولفن ٹیم نے ملزم سے نقلی بم نما باکس برآمد کر لیا ہے۔ پولیس نے ملزم سرفراز کے خلاف تھانہ شفیق آباد میں مقدمہ درج کر کے تحقیقات شروع کر دی ہیں۔