لاہور میں شدید دھند کے باعث پروازوں کے شیڈول میں تبدیلی

پی آئی اے نے لاہور میں شدید دھند کے باعث پروازوں کے شیڈول میں تبدیلی کر دی۔

لاہور سے روانہ ہونے والی اور لاہور آمد والی والی بعض پروازیں اب اسلام آباد سے آپریٹ ہوں گی۔ آج مدینہ سے لاہور کی پرواز پی کے 9716 اب مدینہ سے اسلام آباد پہنچے گی۔ 16 دسمبر کو لاہور سے مدینہ کی پرواز ہی کے 9743 اب اسلام آباد سے مدینہ کے لئے روانہ ہو گی۔ 16 دسمبر کو جدہ سے لاہور کی پرواز پی کے 9712 اب اسلام آباد پہنچے گی۔ 16 دسمبر کو لاہور سے مدینہ کی پرواز پی کے 9739 اب اسلام آباد سے مدینہ روانہ ہو گی۔

16 دسمبر کو لاہور سے دبئی کی پرواز پی کے 203 اسلام آباد سے دبئی روانہ ہو گی۔ 16 دسمبر کو دبئی سے لاہور کی پرواز پی کے 234 دبئی سے اسلام آباد پہنچے گی۔

واضح رہے کہ آج لاہور ائیرپورٹ پر دھند اورا سموگ کے باعث فضائی آپریشن بند ہو نے کی وجہ سے متعدد فلائٹس تاخیر سے پہنچیں جبکہ کچھ فلائٹس منسوخ ہو گئی تھیں استنبول سے لاہور آنے والی پرواز ٹی کے 714 تاخیر سے لاہور پہنچی جبکہ جبکہ ریاض سے آنے والی پرواز ایکس وائے 317 بھی 8 گھنٹے تاخیر سے لاہورپہنچی-

دوسری جانب دبئی اور جدہ سے آنے والی پروازوں کو بھی لاہورائیرپورٹ لینڈنگ سے روکا گیا لاہور سے کویت جانے والی پرواز جے نائن 502 دن 2بجے تک جبکہ ریاض جانے والی پرواز ایکس وائے 318 بھی دن 1 بجے تک تاخیر کا شکار ہے- مسقط اور شارجہ سے لاہور آمدورفت کی پروازیں منسوخ ہو گئیں

واضح رہے کہ لاہور میں دھند ہے حد نگاہ صفر ہے دھند کی وجہ سے سردی میں اضافہ ہو گیا ہے