لاہور میں پلازہ پر قبضہ واگزار کروانے پر حمیرا ارشد سمیت دیگر فنکار لاہور پولیس کے شکرگزار

0
37

پاکستان میوزک انڈسٹری کی معروف گلوکارہ حمیرا ارشد اور اداکار طارق ٹیڈی کا کہنا ہے کہ وہ لاہور میں پلازہ پر قبضہ واگزار کروانے پر پولیس کے مشکور ہیں-

باغی ٹی وی : حمیرا ارشد اور طارق ٹیڈی نے اپنے ویڈیو پیغامات میں پولیس کا شکریہ ادا کیا- حمیرا ارشد نے کہا فوری انصاف ملنے پر لاہور پولیس کی مشکور ہوں۔

جبکہ اداکار طارق ٹیڈی نے کہا وعدے کے مطابق لاہور پولیس نے دو دن میں ہمیں انصاف دلایا۔ پلازے پر قبضہ چھڑوانے پر فنکار برادری لاہور پولیس کی بے حد مشکور ہے۔

ترجمان لاہور پولیس کے مطابق قابضین نے عرصہ دراز سے اسکیم موڑ پر واقعہ پلازہ پر قبضہ کیا ہوا تھا۔ سخی سرور نامی شہری نے پلازے پر قبضہ واگزار کروانے کے لیے سی سی پی او لاہور سے درخواست کی جس پر سی سی پی او لاہور غلام محمود ڈوگر نے فوری کارروائی کرواتے ہوئے قبضہ واگزار کروا دیا۔

اس حوالے سے سی سی پی او لاہور غلام محمود ڈوگر کا کہنا ہے کہ شہریوں کو جان و مال کا مکمل تحفظ دیا جارہا ہے لاہور پولیس شہریوں کے جان و مال کے تحفظ کے لیے پرعزم ہے شہر میں کسی قبضہ گروپوں، نوسربازوں اور بدمعاشوں کی کوئی جگہ نہیں۔

Leave a reply