تحریک انصاف کو بیگانوں نے نہیں فواد چوہدری جیسے بدکردارانسانوں نے نقصان پہنچایا،لاہورپریس کلب

لاہور:تحریک انصاف کو بیگانوں نے نہیں فواد چوہدری جیسے بدکردارانسانوں نے نقصان پہنچایا،لاہورپریس کلب کی طرف سے شدید مذمت،فواد چوہدری جیسے بداخلاق شخص کی وجہ معاشرے میں بگاڑپیدا ہوتا ہے، مبشرلقمان جیسے عظیم صحافی پرتشدد اوربدتمیزی سے پیش آنا ایسے لوگوں کی خاندانی صفت ہے ،

اطلاعات کےمطابق پریس کلب کے صدر ارشد انصاری، سینئر نائب صدررائے حسنین طاہر، نائب صدر قذافی بٹ، سیکرٹری بابر ڈوگر، جوائنٹ سیکرٹری حافظ فیض احمد، خزانچی زاہد شیروانی اور اراکین گورننگ باڈی نے محسن لغاری کے بیٹے کی شادی کے موقعہ پر فواد چوہدری اور ان کے گارڈز کی جانب سے سینئر اینکر پرسن مبشر لقمان پر تشدد کی بھرپور مذمت کی ہے

۔ پی ایف یو جے،پی یو جے ، ایمرا،اینکا ، پنجاب اسمبلی پریس گیلری کمیٹی، فوٹو جرنلسٹ ایسوسی ایشن سمیت تمام صحافتی تنطیموں نے اس واقع کی شدید مذمت کی ہے ۔ عہدیداران کا کہناہے کہ فواد چوہدری فاشسٹ حکومت کا غنڈہ وزیر ہے اس قبل وہ سینئر صحافی سمیع ابراہیم پر بھی حملہ کر چکا ہے ۔ پاکستان بھر کے پر یس کلبوں نے فواہد چوہدری کے داخلے پر پہلے ہی پاپندی عائد کی ہوئی ہے ۔

لاہو رپریس کلب ملک بھر کے تمام پر یس کلبوں اور صحافتی تنظیموں کے ساتھ مکمل رابطے میں ہے اگر فواہد چوہدری نے24گھنٹے میں مبشر لقمان نے سے معافی نہ مانگی تو نیشنل اسمبلی ، سینٹ ، صوبائی اسمبلیوں کے اجلاسوں سمیت تما م حکومتی تقرییات کا مکمل بایئکا ٹ کیا جا ئے گا اور صحافتی ادارے مجبور ہو جائیں گے کہ وہ فواد چوہدری کو اسی کی زبان میں جواب دیں ۔ صدر ارشد انصاری نے وزیر اعظم عمران خان سے مطالبہ کیا کہ وہ فواد چوہدری کی اس بدمعاشی کا فوری نوٹس لیں اگر وزیر اعظم نے نوٹس نہ لیا تو ان کی تقریبات کا بھی مکمل بائیکاٹ کیا جائے گا ۔