لاہور ایس پی سٹی کا قلعہ گجر سنگھ میں پولیس اہلکاروں کی پریڈ کا معائنہ و جایزہ

پولیس لائنز قلعہ گجر سنگھ میں پولیس اہلکاروں کی ہفتہ وار جنرل پریڈکا سلسلہ جاری، ایس پی سٹی نے جنرل پریڈ کا معائنہ و اہلکاروں کا ٹرن آؤٹ چیک کیا

لاہور ۔ 22 جولائی(اے پی پی) ڈی آئی جی آپریشنز لاہور اشفاق خان کی ہدایات پرپولیس لائنز قلعہ گجر سنگھ میں ایس پی ہیڈ کوارٹرز سید کرار حسین کی زیرنگرانی ہفتہ وار جنرل پریڈ کا انعقاد کیا گیا ۔ ایس پی سٹی سید غضنفر علی شاہ اور ڈی ایس پی عمر کمپنی ملک اشرف نے خصوصی طور پر شرکت کی ۔ جنرل پریڈ میں ڈولفن فورس، اینٹی راءٹ فورس، ٹریفک پولیس، مجاہد سکواڈ، لیڈیز پولیس، سی آئی اے، ایلیٹ فورس، انویسٹی گیشن ونگ اور تھانہ جات کے اہلکاروں نے لیا ۔ اس موقع پرایس پی سٹی غضنفر علی شاہ نے جنرل پریڈ کا معائنہ کیا اور پریڈ میں حصہ لینے والے اہلکاروں کا ٹرن آؤٹ بھی چیک کیا ۔ سیدغضنفرعلی شاہ نے کہا کہ جنرل پریڈ کے انعقاد سے اہلکاروں کے ٹرن آءوٹ اور ڈسپلن کو مزید بہتر بنانا ہے ۔ انہوں نے مزید کہا کہ پریڈ کسی بھی فورس کے ڈسپلن کا بہترین مظاہرہ ہوتی ہے ۔ آخر میں جنرل پریڈ میں حصہ لینے والے اہلکاروں کے چاق و چوبند دستوں نے مارچ پاسٹ بھی کیا ۔

جواب چھوڑیں

آپ کا ای میل ایڈریس شائع نہیں کیا جائے گا.