fbpx

لاہور: نیوزی لینڈ کیخلاف پہلے ٹیسٹ کیلئے پلیئنگ الیون فائنل

قومی کرکٹ ٹیم کے کپتان اور عبوری سلیکشن کمیٹی نے نیوزی لینڈ کیخلاف پہلے ٹیسٹ کیلئے پلیئنگ الیون فائنل کرلی۔ذرائع کے مطابق بابراعظم، عبداللہ شفیق، امام الحق، شان مسعود اور سعود شکیل ٹیم کا حصہ ہوں گے جبکہ سلمان علی آغا، ابراراحمد، میرحمزہ، وسیم جونیئر کی شمولیت کا امکان ہے۔

پاکستان کرکٹ ٹیم کا ٹیسٹ اسکواڈ تبدیل:شاہنواز دہانی، ساجد خان اور میر حمزہ شامل

محمد رضوان کی جگہ سرفراز احمدکی ٹیم میں شمولیت کا امکان ہے۔ وکٹ کیپرمحمد رضوان کو آرام دینے کا فیصلہ کیا گیا ہے جبکہ ساجدخان یا نعمان علی کی شمولیت کا فیصلہ صبح کیا جائے گا۔خیال رہے کہ پاکستان اور نیوزی لینڈ کرکٹ ٹیموں کے درمیان پہلا ٹیسٹ کل نیشنل اسٹڈیم کراچی میں شروع ہوگا۔

پاکستان اور نیوزی لینڈ ٹیسٹ سیریز کیلئے ٹرافی کی رونمائی کردی گئی۔

مجھےکپتانی جانے کا کوئی خوف اورپریشر نہیں، مجھے اپنی ٹیم پر یقین ہے:بابراعظم

قومی کپتان بابر اعظم اور نیوزی لینڈ کے کپتان ٹم ساؤتھی نے نیشنل بینک ایرینا اسٹیڈیم میں ٹرافی کی رونمائی کی۔ دونوں ٹیموں کے مابین 2 ٹیسٹ میچز کی سیریز کھیلی جائے گی، پہلا ٹیسٹ کل سے شروع ہوگا جبکہ 2 دونوں ٹیسٹ میچ کراچی میں ہی کھیلے جائیں گے۔

واضح رہے اس سے قبل ایک ٹیسٹ میچ ملتان میں ہونا تھا لیکن پھر دونوں ملکوں کی ٹیموں کے بورڈ کے باہمی مشاورت کے بعد اب دونوں ٹیسٹ میچز کراچی میں ہی کھیلے جائیں گے۔