fbpx

لاہور میں بغیر ماسک سوار موٹرسائیکل، گاڑیوں اور پبلک ٹرانسپورٹ کے چالان جاری

لاہور میں بغیر ماسک موٹرسائیکل گاڑیوں کی اور پبلک ٹرانسپورٹ کے چالان جاری ہیں۔ 07 روز میں کورونا ایس او پیز کی خلاف ورزی پر 64138 ہزار گاڑیوں، موٹرسائیکلوں کو چالان ٹکٹس جاری کئے ہیں۔ پبلک ٹرانسپورٹ میں کورونا ایس او پیز کی خلاف ورزی پر 12 مقدمات بھی درج کئے گئے ہیں۔ 50 فیصد سے زائد سواریاں بٹھانے اور کورونا ایس او پیز کی خلاف ورزی پر 427 گاڑیاں بھی بند کی گئیں۔ 45 ہزار 111 موٹرسائیکلوں، 8375 رکشوں، 4074 کاروں کو چالان ٹکٹ جاری کیا گیا۔ 3662 پبلک ٹرانسپورٹ، 1805 منی مزدا اور 1111 لوڈر گاڑیوں کو چالان ٹکٹ ایشو کئے گئے ہیں۔ سی ٹی او لاہور کا کہنا تھا کہ انسانی جانیں ضروری ہیں تحفظ کیلئے تمام وسائل بروئے کار لائیں گے۔ چالان کا مقصد شہریوں کی جانوں کے تحفظ کو یقینی بنانا ہے اور کار میں بغیر ماسک ایک فرد کا چالان نہیں کیا جارہا۔ دو یا دو سے زائد افراد کے لئے ماسک ضروری ہیں۔ موٹرسائیکل پر سنگل سوار ہونے کی صورت میں چالان نہیں کیا جارہا۔ پبلک سروس وہیکز میں 50 فیصد سواریوں سے زائد کی اجازت نہیں ہے۔ کارروائی کےلئے ٹریفک پولیس کی ٹیمیں تشکیل دے دی گئی ہیں۔ شہریوں کو کورونا وباء سے محفوظ رکھنے کےلیے تمام وسائل بروئے کار لائے جارہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.