لڑکی کو ہراساں کرنے پر ایف آئی اے نے کتنا عرصہ کاروائی نہیں کی،اب ملزم باپ سمیت گرفتار، فیاض الحسن چوہان

باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا کہ آج سے 3دن پہلے سوشل میڈیا پر خبر وائرل ہوئی تھی، یہ نوجوان بچی اور فیملی کو دھمکیاں دیتا رہا،

فیاض الحسن چوہان کا کہنا تھا کہ درندے کو نشانہ عبرت نہ بنایا تو کل کسی اور بچی کو پریشان کرے گا، لڑکی کے والد نے پہلے منع کیا پھر تفصیلی بات کےبعد راضی ہوئے،لڑکی کے والد نے بتایا سواسال پہلے ایف آئی اے کو درخواست دی،ایسے معاملات پر ہم سب لوگوں کو اپنا رویہ ٹھیک کرنا چاہیے، لڑکی کے والد کے مطابق ایف آئی اے نے کارروائی نہیں کی،عثمان بزدار کی ہدایت تھی 24گھنٹے میں ملزمان گرفتار کریں،سی سی پی او عمر شیخ نے 10گھنٹے میں باپ اور بیٹے کو گرفتار کرایا،

لاہور
لڑکی کو اغوا، قتل کی دھمکیاں دینے اور جنسی ہراساں کرنیوالا ابشام والد سمیت گرفتار pic.twitter.com/YqOTb8pTwy

— RegionalTelegraph (@RegnlTelegraph) September 17, 2020

فیاض الحسن چوہان کا کہنا تھا کہ لاہور اور پنجاب پولیس پر آوَٹ آف وے کام شروع کیا ہے،بچی کو ہراساں کرنے والے لڑکے کو راولپنڈی سے گرفتار کیا گیا لڑکی کو ہراساں کرنے والا لڑکا اور اس کا باپ بدمعاشی کر رہے تھے،جو لوگ عوام کی زندگیوں کو اجیرن کرتے ہیں وہ سخت سزا کے مستحق ہیں،کوئی شخص اگر کسی کو بلیک میل کر ے تو وہ ڈائیریکٹ وزیر اعلیٰ آفس سے رجوع کرے،

فیاض الحسن چوہان کا مزید کہنا تھا کہ قبضہ گروپ،منشیات فروشوں کو ن لیگ کی سپورٹ رہی،پولیس کی غفلت اورنااہلی پرسمجھوتہ نہیں کریں گے،پولیس نےسی سی پی اوکی قیادت میں اچھی کارکردگی دکھائی،

واضح رہے کہ ابشام نامی شخص نے فاطمہ کے والد کو بیٹی کا ریپ کرنے کی دھمکی دی اور ساتھ ہی لڑکی کو بھی غیر اخلاقی میسج کئے اور اس کے باپ کو قتل کرنے کی دھمکی دی- جس کے بعد ٹویٹر پر ملزم کی گرفتاری کے حوالہ سے ٹرینڈ بھی چلایا گیا،اس ٹرینڈ کے سامنے آنے پر صارفین شدید غم و غصے کا اظہار کر رہے ہیں اور اس شخص کو سزا دینے اور فوری طور پر گرفتار کرنے کا مطالبہ کر رہے ہیں-