ورلڈ ہیڈر ایڈ

نوجوان کے کان سے 10 لال بیگ برآمد

بیجنگ:نوجوان کے کان سے 10 لال بیگ برآمد اطلاعات کے مطابق چینی ڈاکٹرز نے نوجوان کا کامیاب علاج کر کے اُس کے کان میں رہنے والا لال بیگ کا پورا خاندان نکال لیا۔امریکی ویب سائٹ کے مطابق چین سے تعلق رکھنے والے 24 سالہ نو نامی نوجوان کو گزشتہ دنوں کان میں خارش اور مسلسل درد کا احساس ہوا جس پر اُس نے اپنے اہل خانہ کو روشنی ڈال کر دیکھنے کو کہا۔

نوجوان کے مطابق جب اُس کے بھائی نے ٹارچ کی روشنی سے اندر دیکھا کو بھیانک صورتحال تھی کیونکہ اُسے ایک زندہ لال بیگ نظر آیا جو مسلسل حرکت کررہا تھا۔لو کا کہنا تھا کہ ’’یہ صورتحال میرے لیے بہت زیادہ بھیانک تھی البتہ میں نے ڈاکٹرز سے رجوع کرنے کا فیصلہ کیا تو انہوں نے فوری چند ٹیسٹ کرائے جس کے بعد مزید پیچیدگی سامنے آئی‘‘۔

چینی ڈاکٹوکے مطابق نوجوان کے کان میں ایک لال بیگ نہیں بلکہ چھوٹے بڑے دس لال بیگ رہ رہے تھے جو اندر چہل قدمی بھی کررہے تھے، ڈاکٹرز نے نوجوان کو تمام تر صورتحال سے آگاہ کرتے ہوئے فوری آپریشن کی ہدایت کی۔

چینی ڈاکٹر زونگ یاجن کے مطابق ’’مریض کے کان میں مادہ لال بیگ اور بچے موجود تھے، جنہیں پہلے دوا ڈال کر مارا گیا اور پھر انہیں چمٹی کی مدد سے نکالا گیا۔ ڈاکٹرز نے چھوٹے سے آپریشن کے بعد نوجوان کو گھر جانے کی اجازت دے دی۔ اہل خانہ نے خدشہ ظاہر کیا کہ نوجوان بچا ہوا کھانا اپنے بستر پر چھوڑ دیتا تھا شاید اسی وجہ سے لال بیگ اُس کے کان میں داخل ہوئے۔

جواب چھوڑیں

آپ کا ای میل ایڈریس شائع نہیں کیا جائے گا.