
لنڈی کوتل(باغی ٹی وی رپورٹ) صحافت پیغمبری پیشہ، علاقائی مسائل اجاگر کرنے میں صحافیوں کا کردار قابل فخر، عدنان قادری
تفصیل کے مطابق قادری،صوبای وزیر صوبائی وزیر علامہ عدنان قادری نے ڈسٹرکٹ خیبر پریس کلب لنڈی کوتل (رجسٹرڈ) کے نومنتخب صدر شاہ رحمان شینواری ،جنرل سیکرٹری شاہد شینواری ،فنانس سیکرٹری، اجمیر خان اور پریس سیکرٹری رحیم آفریدی سے حلف لیا،
اس موقع پر ڈسٹرکٹ خیبر پریس کلب لنڈی کوتل (رجسٹرڈ) میں ایک سادہ مگر پر وقار تقریب منعقد ہوئی جس میں مہمان خصوصی صوبائی وزیر اوقاف و مذہبی امور علامہ عدنان قادری، ٹرائیبل یونین اف جرنلسٹس کے مرکزی صدر قاضی فضل اللہ ،مولانا شعیب قادری،حاجی مزمل،بلدیاتی نمائندگان ابودردا شینواری، حاجی عزیز، سجاد خان ،طورخم کسٹم کلئیرنگ ایجنٹس ایسوسی ایشن کے چیئرمین معراج الدین شینواری, ٹرانسپورٹ صدر عظیم اللہ شینواری ،نائب صدر یاداللہ شینواری ودیگر افراد بھی موجود تھے،
تقریب کے شرکاء سے خطاب کرتے ہوئے صوبائی وزیر عدنان قادری نے کہا کہ صحافت پیغمبری پیشہ ہے جو علاقے کے مسائل حکام بالا تک پہنچاتے ہیں اور حکومت و عوام کے درمیان پل کا کردار ادا کرتے ہیں انہوں نے کہا کہ علاقے میں صحافیوں کی قربانیوں سے کوئی انکار نہیں کر سکتا صحافی معاشرے کیلئے آنکھ اور کان ہے ہمیں لنڈی کوتل کے صحافیوں پر فخر ہیں جس نے ہر وقت دیانتداری کے ساتھ پیشہ ورانہ ذمہ داریاں سر انجام دی ہیں.
آخر میں پریس کلب صدر شاہ رحمان شینواری اور ٹی یو جے کے مرکزی صدر قاضی فضل اللہ نے آنے والے تمام مہمانوں کا شکریہ ادا کیا.