لاڑّکانہ میں شادی کی تقریب میں بریانی کھانے سے خواتین،بچوں سمیت 90 افراد بے ہوش

لاڑّکانہ میں شادی کی تقریب میں بریانی کھانے سے خواتین،بچوں سمیت 90 افراد بے ہوش
باغی ٹی وی کی رپورٹ کے مطابق پیپلز پارٹی کے چیئرمین بلاول زرداری کے آبائی شہر لاڑکانہ میں بریانی کھانے سے 90 افراد کی حالت غیر ہو گئی

لاڑکانہ کے علاقے میں شادی کی تقریب میں بریانی کھانے کے بعد 90 افراد کی حالت بگڑ گئی جس پر انہیں چانڈ کا ہسپتال منتقل کر دیا گیا، بریانی کھانے سے حالت خراب ہونے والوں میں بچے اور خواتین بھی شامل ہیں جن کا ہسپتال میں علاج جاری ہے.

دوسری جانب پولیس نے شادی کی تقریب میں پہنچ کر تحقیقات کا آغاز کر دیا کہ بریانی میں ایسا کیا تھا جس نے بھی کھائی وہ ہسپتال پہنچ گیا، پولیس کا کہنا ہے کہ تحقیقات کا آغاز کر دیا ہے ، جو بھی اس کا ذمہ دار ہو گا اس کے خلاف کاروائی ہو گی

شہریوں کا کہنا ہے کہ لاڑکانہ کے علاقے رحیم بگھیو میں شادی کی تقریب میں بریانی کھانے کے بعد سب کی حالت غیر ہو گئی. 5 شہریوں کی حالت نازک ہے. ڈاکٹرز کا کہنا ہے کہ تمام مریضوں کا علاج جاری ہے.