ورلڈ ہیڈر ایڈ

بلاول زرداری کے آبائی حلقہ سے 10 سالہ بچی کی بوری بند نعش برآمد،پولیس نے کیا خدشہ ظاہر کیا؟

پیپلز پارٹی کے چیئرمین بلاول زرداری کے آبائی حلقہ لاڑکانہ سے دس سالہ بچی کی بوری بند لاش برآمد ہوئی ہے ، خدشہ ہے کہ اسے زیادتی کے بعد قتل کیا گیا ہے

باغی ٹی وی کی رپورٹ کے مطابق پیپلز پارٹی کے چیئرمین بلاول زرداری کے آبائی حلقہ لاڑکانہ کے علاقے نوڈیرو سے دس سالہ بچی کی لاش برآمد ہوئی ہے، پولیس کی جانب سے خدشہ ظاہر کیا جا رہا ہے کہ بچی کو زیادتی کے بعد گلا گھونٹ کر قتل کر دیا گیا ہے.

بچی کے والدین کا کہنا ہے کہ ان کی بیٹی پانچویں کلاس کی طالبہ تھی وہ گھر سے دودھ لینے کے لئے نکلی لیکن واپس گھر نہیں آئی، بچی کی گمشدگی کی اطلاع متعلقہ تھانے کو بھی دی گئی تھی، تاہم رات کو اطلاع ملی کی ان کی بیٹی کی بوری بند لاش امرود کے باغ سے برآمد ہوئی ہے. جسے پوسٹ مارٹم کے لئے ہسپتال منتقل کر دیا گیا

دس سالہ بچی کی لاش ملنے پر ان کے گھر میں کہرام مچ گیا، والدین نے ملزم کو گرفتار کر کے کڑی سزا دینے کا مطالبہ کیا ہے، دوسری جانب پولیس نے واقعہ کا مقدمہ درج کر کے ملزمان کی گرفتاری کے لئے چھاپے مارنے شروع کر دئیے ہیں.

جواب چھوڑیں

آپ کا ای میل ایڈریس شائع نہیں کیا جائے گا.