fbpx

لڑکی شادی کا جوڑا پہن کر امتحان دینے پہنچ گئی

بھارتی ریاست گجرات میں دلہن نے انوکھا انداز اپنا لیا، لڑکی شادی کا جوڑا پہن کر امتحان دینے پہنچ گئی۔

باغی ٹی وی : تعلیم یقیناً ہماری زندگی کے اہم ترین پہلوؤں میں سے ایک ہے اور ہر والدین کو اس بات کو یقینی بنانا چاہیے کہ ان کا بچہ چاہے لڑکا ہو یا لڑکی مناسب تعلیم حاصل کرے۔ یہ کہنا غلط نہیں ہوگا کہ طالب علم کی زندگی ہماری زندگی کا بہترین وقت ہے لیکن یہ بھی سچ ہے کہ امتحان کا وقت یقیناً مشکل ترین وقت ہوتا ہے کیونکہ طالب علم کے مستقبل کا انحصار امتحانات کے نتائج پر ہوتا ہے۔

اگرچہ وقت بہت بدل چکا ہے پھر بھی کچھ لڑکیاں ایسی بھی ہیں جنہیں اپنی پڑھائی درمیان میں چھوڑنی پڑتی ہے، بعض اوقات اپنی مرضی سے تو کبھی کبھار وہ ایسا کرنے پر مجبور ہوتی ہیں لیکن راجکوٹ کی اس لڑکی نے سب پر واضح کر دیا کہ اس کے لیے تعلیم ہی اس کی شادی سے زیادہ اہم ہے-

انٹرنیٹ پر ایک ویڈیو وائرل ہو رہی ہے جس میں شیوانی بگتھریا نامی لڑکی دلہن کا لباس پہن کر امتحانی ہال میں امتحان دے رہی ہے بیچلر آف سوشل ورک کے پانچویں سمسٹر کا امتحان دیتے ہوئے نظر آئیں۔

شیوانی نامی دلہن اپنے شوہر کے ہمراہ امتحان دینے کے لیے صبح کالج میں حاضر ہوئی اور پرچہ حل کرنے کے بعد شادی کی تقریب میں پہنچی صحافیوں سے بات کرتے ہوئے دلہن شیوانی نے بتایا کہ جب اس کی شادی کی تاریخ طے ہوئی تو اس وقت تک امتحان کے شیڈول کا اعلان نہیں کیا گیا تھا لیکن جب اعلان ہوا تو اس کے امتحان کی تاریخ اور شادی کا مہورت ایک ہی تاریخ کو نکلا تاہم دونوں خاندانوں نے ان کے امتحان دینے کے فیصلے کی حمایت کی۔

انہوں نے کہا کہ دونوں خاندانوں نے اس کے فیصلے سے اتفاق کیا اور اس کی مکمل حمایت کی انہوں نے مزید کہا کہ لڑکیوں اور ان کے والدین کو تعلیم کو مناسب اہمیت دینی چاہیے-

وائرل ویڈیو پر جہاں کچھ لوگوں نے لڑکی کی تعریف کی کہ وہ اس حقیقت کے باوجود کہ اس کی شادی کا دن تھا اس کا امتحان نہیں چھوڑا، بہت سے لوگوں نے اسے پبلسٹی سٹنٹ قرار دیا اور کچھ نے یہ سوال بھی اٹھایا کہ امتحانی ہال میں کیمرے کی اجازت کیسے دی گئی-

Facebook Notice for EU! You need to login to view and post FB Comments!