fbpx

ریسکیو 1122 شیخوپورہ کی ماہانہ کارکردگی کا اجراء

شیخوپورہ (نمائندہ باغی ٹی وی) اپریل2021 کے دوران ضلع بھرمیں 2030 حادثات میں 2044 افراد کو ریسکیو کیاگیا ان خیالات کا اظہار رانااعجاز احمد نے کیا
پنجاب ایمرجنسی سروس ریسکیو1122 شیخوپورہ کی کارکردگی ہمیشہ کی طرح گزشتہ ماہ بھی مثالی رہی۔ ریسکیو1122 شیخوپورہ کویکم اپریل2021سے30 اپریل2021 تک مجموعی طور پر49206 فون کالز موصول ہوئیں جن میں سے 2030 ایمرجنسی کالز تھیں۔

ان میں 710روڑ ٹریفک ایکسیڈنٹس،978میڈیکل ایمرجینسیز،116آگ لگنے کے واقعات، 60کرائم کیس، 07ڈوبنے اور159متفرق ایمرجنسیزتھیں۔ان تمام ایمرجینسیزمیں 7.30منٹ اوسطاََٹائم برقرار رہا۔
ریسکیو1122 شیخوپورہ نے بروقت رسپانس کاروائی کرتے ہوئے مجموعی طورپر 2044 لوگوں کو ریسکیو کیاجن میں 369 افراد کوموقع پر ابتدائی طبی امداد فراہم کی گئی جبکہ1593افراد کو ابتدائی طبی امداددیتے ہوئے ہسپتال منتقل کیاان میں 82 افراد ایسے بھی تھے جو موقع پر ہلاک ہوئے۔

علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کیلئے ضلع شیخوپورہ سے کل468مریضوں کو لاہور کے بڑے ہسپتالوں میں شفٹ کیا۔
اس موقعہ پر انچارج ریسکیو 1122 شیخوپورہ انجینئیررانااعجاز احمد کاکہناتھاکہ موجودہ ملکی صورتِ حال میں ریسکیو 1122کوروناجیسی وبائی مرض سے نبرد آزما ہونے کیلئے ہمہ وقت تیار ہے اور مصیبت کی اس گھڑی میں جب کورونا سے متاثرہ مریضوں کے اپنے بھی قریب نہیں جاتے وہاں پر ہمارے ریسکیورز ریسپانس کرکے ان کو ہسپتالوں میں منتقل کررہے ہیں اور ماہ اپریل میں 154 کرونا مریضوں کو مقامی ہسپتالوں میں منتقل کیا۔ ریسکیو 1122 کا ادارہ عوام کا ادارہ ہے اور ہم عوا م کی فلاح کے لئے کام جاری رکھیں گے۔ ہمارا مقصد عوام میں احساس تحفظ پیدا کرنا ہے۔

جواب چھوڑیں

آپ کا ای میل ایڈریس شائع نہیں کیا جائے گا.