fbpx

واپڈاوالےبتائیں کہLESCOہےیاLESS-CO:بجلی کانظام درہم برہم،عوام پریشان مگراسےپرواہ نہیں:مبشرلقمان

لاہور:واپڈا والے بتائیں کہ LESCOہے یاLESS-CO:بجلی کا نظام درہم برہم،عوام پریشان مگراسے کوئی پرواہ نہیں:مبشرلقمان بھی لیسکو کی نااہلی پربول اٹھے،اطلاعات ہیں کہ لاہور جسے حکام توشاید روشنیوں کا شہرکہتےہیں مگرعوام اوراسکے باسیوں کے لیے اندھیر نگری بن گیا ہے ، ایک طرف شدید بارشیں ہیں تو دوسری طرف لوگوں کو بجلی میسر نہیں ،

عوام الناس سے سالانہ کھربوں روپے وصول کرنے والا واپڈا نہ تو گرمی میں لوگوں کو سُکھ کا سانس لینے دیتا ہے اور نہ سردی میں روشنی میسر ہوتی ہے ،یہ کوئی افسانہ نہیں بلکہ حقیقت ہے اگراس حقیقت کو عین اپنی آنکھوں سے دیکھنا ہے تو لاہور کو اس وقت دیکھ لیں اندھیروں میں ڈوبا ہوا ہے

 

 

 

 

 

 

 

 

اطلاعات کے مطابق لیسکو کی کارکردگی کے حوالے سے سینئر صحافی مبشرلقمان نے سماجی رابطے کی ویب سائٹ پراپنے پیغام میں لکھا ہے کہ لیسکو کے بارے میں جو عوام الناس کی پشین گوئی تھی وہ درست ہے کہ یہ محکمہ دنیا کا کرپٹ ترین محکمہ ہے جسے کسی کی کوئی پرواہ تک نہیں

 

 

یاد رہے کہ مبشرلقمان نے اپنے ٹویٹ پیغام میں LESCO کو LESSCO یعنی LESS-CO اس لیے لکھا ہے کہ اس ادارے کا کام تھا کہ عوام الناس کے ساتھ تعاون کرنا اوران کو وعدےاورمعاہدے کے مطابق بجلی کی فراہمی کو یقینی بنانا مگریہ تو LESS-CO بن گیا ہے بجائے تعاون کرنے کے لوگوں کے لیے مشکل کا سبب بن رہا ہے ، اس لیے انہوں نے لکھاہے کہ اتنا بڑا ریونیو لے کر بھی اگرلیسکو لوگوں کو بروقت بجلی فراہم نہیں کرسکتا تو پھرخلق خدا نقارہ است کہ واپڈا سب سے کرپٹ ترین ادارہ بن کررہ گیا ہے

 

 

یاد رہے کہ لاہور میں موسلادھار بارش نےلیسکو کا ترسیلی نظام تباہ ہوکررہ گیا ہے اور ایک سو سے زائد فیڈرز ٹرپ کر گئے۔

لاہور میں بارش کے بعد فیڈرز ٹرپ ہونے اور دیگر فنی خرابیوں سے متعدد علاقے بجلی سے محروم ہو گئے۔،ڈیفنس ، داتا نگر ،بہار کالونی، قلعہ گجر سنگھ ،معراج پارک ،مصطفٰی آباد ،گڑھی ،چائنہ ا سکیم میں بجلی بند ہے۔سراج پارک ،سگیاں ،اردو بازار، مالی پورہ ،مانگا منڈی اوربرج اٹاری اور واہگہ سمیت درجنوں علاقے اس وقت بجلی سے محروم ہیں۔باٹا پور ،شاہدرہ ،کریم پارک کے متعدد علاقوں میں بھی بجلی معطل ہے۔

دوسری جانب مسلسل اور تیز بارش کے لاہور کے کئی علاقوں ، سڑکوں اور گلیوں میں پانی جمع ہو گیا ہے۔

یاد رہے کہ لاہور میں گزشتہ رات سے تیز بارش اور بیشتر علاقوں میں بوندا باندی کا سلسلہ جاری ہے۔ محکمہ موسمیات نے آج بھی ملک کے بیشتر علاقوں میں بادل برسنے کی پیش گوئی کی ہے۔

محکمہ موسمیات کے مطابق اسلام آباد، پنجاب، خیبر پختو نخوا، گلگت بلتستان اور آزادکشمیر میں مزید بارش کا امکان ہے جبکہ مشرقی بلوچستان اور سندھ میں بھی تیزہواؤں اور گرج چمک کے ساتھ بارش متوقع ہے۔