لیسکو راجہ جنگ نے صارفین کو پتھر کا دور یاد کروا دیا

قصور ، سب ڈویژن راجہ جنگ کے صارفین کی زندگیاں محکمہ واپڈا کی بدولت اجیرن،گزشتہ تین دن سے 9 سے 4 تک روزانہ بجلی غائب،لوگ پریشان
تفصیلات کے مطابق لیسکو قصور کی سب ڈویژن راجہ جنگ نے لوگوں کی زندگیاں اجیرن بنا کر رکھ دی ہیں گزشتہ تین دنوں میں لوگوں کو بجلی سے دور ہی رکھا گیا ہے تاکہ لوگ پتھر کے دور کی یاد تازہ کر لیں سب ڈویژن کے بیشتر علاقوں میں گزشتہ تین دنوں میں

منگل کو صبح 9 سے 4 بدھ کو صبح 9 سے 2 اور جمعرات کو 9 سے شام 4 بجے تک بجلی بند رکھی گئی ہے جبکہ صارفین کے پوچھنے پر تسلیاں دے کر ٹرخا دیا جاتا ہے مذیداس کے علاوہ اس علاقے میں بجلی سب سے زیادہ بند کی جاتی ہے جس پر صارفین نے وزیر اعلی پنجاب و صوبائی وزیر پانی و بجلی سے نوٹس لینے کی اپیل کی ہے