fbpx

برق رفتار آپریشن :ایڈیشنل آئی جی پر فائرنگ میں ملوث افراد گرفتار

اسلام آباد:برق رفتار آپریشن :ایڈیشنل آئی جی پر فائرنگ میں ملوث افراد گرفتار ،اطلاعات کے مطابق راولپنڈی میں ایڈیشنل آئی جی کی گاڑی پر فائرنگ کرنے والی گاڑی پکڑی گئی، کار میں سوار 4 مسلح افراد کو گرفتار کرلیا گیا۔

ذرائع کے مطابق راولپنڈی میں ایڈیشنل آئی جی موٹر وے سجاد افضل آفریدی کی گاڑی پر فائرنگ کرنے والی گاڑی پکڑی گئی، کار میں سوار 4 مسلح افراد کو گرفتار کرکے اسلحہ برآمد کرلیا گیا۔

ذرائع کا کہنا ہے کہ راولپنڈی پولیس کی فرانزک ٹیمیں جائے وقوعہ پر پہنچ گئیں، ایس ایس پی آپریشن کا کہنا ہے کہ فائرنگ کے واقعے کی تحقیقات جاری ہیں۔

واضح رہے کہ تھانہ نصیر آباد کی حدود میں مسلح افراد نے ایڈیشنل آئی موٹر وے کی گاڑی پر فائرنگ کی جس کے نتیجے میں ایڈیشنل آئی جی موٹروےسجاد افضل آفریدی زخمی اور ‏ان کے بھائی نعمان افضل جاں بحق ہوگئے۔

وزیر اعلیٰ پنجاب عثمان بزدار نے فائرنگ کے واقعے کا نوٹس لیتے ہوئے آئی جی پولیس سے رپورٹ طلب کرلی۔

عثمان بزدار نے ایڈیشنل آئی جی کے بھائی کے جاں بحق ہونے پر افسوس کا اظہار کرتے ہوئے لواحقین سے دلی ہمدرد کا اظہار کیا۔

وزیراعلیٰ پنجاب کا کہنا تھا کہ فائرنگ کرنے والوں کو قانون کی گرفت میں لایا جائے اور زخمی ایڈیشنل آئی جی کو بہترین طبی سہولیات فراہم کی جائیں۔

Facebook Notice for EU! You need to login to view and post FB Comments!