fbpx

مریم نواز سن لیں : ضمنی انتخابات، 2018 عام انتخابات سے بہتر تھے، فافن

لاہور :مریم نواز سن لیں : ضمنی انتخابات، 2018 عام انتخابات سے بہتر تھے، اطلاعات کے مطابق انتخابات کی مانیٹرنگ کرنے والا غیرسیاسی ادارے فافن نے پر تشدد واقعات کے باوجود ضمنی انتخابات کو 2018 عام انتخابات سے بہتر قرار دے دیا ۔

میڈیا رپورٹس کے مطابق انتخابی عمل کا جائزہ لینے والے ادارے فری اینڈ فیئر الیکشن نیٹ ورک (فافن) نے حالیہ ضمنی انتخابات کے متعلق رپورٹ جاری کردی ہے ۔ فافن رپورٹ کے مطابق این اے 75 کے واقعات کے باوجود حالیہ ضمنی انتخابات 2018ء کے عام انتخابات سے بہتر تھے۔

فافن رپورٹ میں کہا گیا ہے کہ ملک بھر میں 16 سے 21 فروری تک ہونے والے ضمنی انتخابات میں پولنگ اور گنتی کے عمل میں بہتری آٰنے پر اطمینان کا اظہار کیا ہے۔ ضمنی انتخابات کے دوران کورونا ایس او پیز اور غیر قانونی الیکشن مہم کے دوران بھی عمومی خلاف ورزیاں سامنے آئیں۔ این اے 75 میں پولنگ سٹیشنز کے باہر انتظامی امور میں بہتری کی ضرورت ہے۔

فافن رپورٹ میں تجویز دی گئی ہے کہ آئندہ کے لیے شفاف انتخابات کی راہ میں حائل سرکاری افسران کو جرمانے اور سخت سزائیں دی جائیں۔ الیکشن کمیشن تاخیر سے نتائج ملنے والے پولنگ سٹیشنوں پر دوبارہ انتخابات کرا سکتا ہے۔ فافن رپورٹ کے مطابق 8 حلقوں میں ووٹوں کی گنتی کے عمل میں کوئی خلاف ورزی دیکھنے میں نہیں آئی،

تاہم این اے 75 کے ضمنی الیکشن میں ووٹوں کی گنتی کے دوران بے ضابطگیاں دیکھنے میں آئیں، ان بے ضابطگیوں کے باعث الیکشن کمیشن کو این اے 75 کا نتیجہ روکنا پڑا ۔رپورٹ میں کہا گیا ہے کہ 71 فیصد پولنگ سٹیشنز کے قریب پارٹی کیمپ لگانے کی اجازت ضابطہ اخلاق کی خلاف ورزی ہے۔ انتخابات کے دوران ایک کمرے میں متعدد پولنگ بوتھ قائم کیے گئے جس سے غیرضروری رش ہوا۔

جواب چھوڑیں

آپ کا ای میل ایڈریس شائع نہیں کیا جائے گا.