ایل این جی کی قیمت میں کتنی ہوئی کمی

0
27

ایل این جی کی قیمت میں کتنی ہوئی کمی

اسلام آباد: اوگرا نے جنوری کے مہینے کے لیے ایل این جی کی قیمت میں کمی کردی ہے۔ یہ کمی ایک ایسے وقت میں کی گئی ہے کہ جب پیٹرولیم مصنوعات اور ایل پی جی سلنڈرز کی قیمتوں میں نئے سال کے آغاز پراضافہ کیا گیا ہے۔ عوام الناس کی جانب سے پیٹرولیم مصنوعات اور ایل پی جی سلنڈرز کی قیمتوں میں اضافے پر شدید ردعمل سامنے آیا ہے۔

سوئی نادرن کے لیے ایل این جی کی قیمت میں 0.48 ڈالر فی ایم ایم بی ٹی یو کمی کی گئی ہے جب کہ سوئی سدرن کے لیے ایل این جی کی قیمت میں 0.47 ڈالر فی ایم ایم بی ٹی یو کمی ہوئی ہے۔

اوگرا کی جانب سے اعلان کردہ نئی قیمتوں کے مطابق جنوری میں سوئی نادرن کے سسٹم پر ایل۔این جی کی قیمت 10.48 ڈالرز فی ایم ایم بی ٹی یو مقررہوئی ہے۔ اسی طرح سوئی سدرن کے سسٹم پر ایل این جی کی قیمت 10.46 ڈالرا فی ایم ایم بی ٹی یو مقررکی گئی ہے۔
دسمبر 2019 میں سوئی نادرن کے سسٹم پر ایل این جی کی قیمت 10.94 ڈالرز فی ایم ایم بی ٹی یو تھی۔ دسمبر 2019 میں سوئی سدرن کے سسٹم پر ایل این جی کی قیمت 10.93 ڈالرز فی ایم ایم بی ٹی یو مقرر تھی

Leave a reply