fbpx

لوڈ شیڈنگ کم یا ختم کرنے میں مزید کتنے دن لگ جائیں گے حماد اظہر نے دلاسہ دے دیا

لوڈ شیڈنگ کم یا ختم کرنے میں مزید کتنے دن لگ جائیں گے حماد اظہر نے امید دلا دی

وفاقی وزیر حماد اظہر کا کہنا ہے کہ چند پلانٹس کی ٹیکنیکل بندش کےباعث گزشتہ 48 گھنٹوں میں بجلی کی لوڈشیڈنگ ہوئی، آج رات تک متبادل ذرائع سے 1100میگا واٹ بجلی مہیا کرنےکی کوششیں کی گئیں،تربیلا سے 3000 میگا واٹ بجلی 4 سے6 روز میں نظام میں واپس شامل ہوجائیگی،

اسلام آباد ،راولپنڈی سمیت ملک بھر میں غیر اعلانیہ لوڈشیڈنگ کا سلسلہ شروع ہے.ادھر یہ خبربھی حیران کن ہے کہ وزارت پانی و بجلی اورمتعلقہ تقسیم کار کمپنیاں بجلی کی بندش سے لاعلم ہیں اوران کو کوئی پتہ نہیں کہ کہاں لوڈشیڈنگ کی جارہی ہے.

یہ بھی معلوم ہوا ہے کہ دارالحکومت سمیت چاروں صوبوں میں 6 سے 8 گھنٹے کی غیر اعلانیہ لوڈ شیڈنگ ہورہی ہے جبکہ دیہی علاقوں میں لوڈشیڈنگ کا دورانیہ 12 گھنٹے تک پہنچ گیا

ذرائع کے مطابق وزارت پانی وبجلی کی جانب سے اعلانیہ، غیر اعلانیہ لوڈشیڈنگ پر مکمل خاموشی کا مظاہرہ کیا جارہا ہے. ادھر ذرائع کے مطابق آئیسکو ریجن میں کنسٹرکشن ورک کے نام پر مختلف علاقوں میں لوڈشیڈنگ جاری ہے جبکہ جنوبی پنجاب ،سندھ کے بیشتر علاقوں میں کئی کئی گھنٹوں کی غیر اعلانیہ لوڈ شیڈنگ شروع ہوگئی ہے

جواب چھوڑیں

آپ کا ای میل ایڈریس شائع نہیں کیا جائے گا.