کندھ کوٹ : ضلع کشمور میں بھی منتخب بلدیاتی نمائندوں نے حلف اٹھالیا

کندھ کوٹ،باغی ٹی وی (نامہ نگار مختیاراعوان) ضلع کشمور میں بھی منتخب بلدیاتی نمائندوں نے حلف اٹھالیا
تفصیل کے مطابق پورے سندھ کی طرح ضلع کشمور میں بھی منتخب ہونے والے تمام ڈسٹرکٹ کونسل کے 41 ممبران، میونسپل کمیٹی کے 16 ممبران، یونین کونسلر وارڈ کے 164 ممبران، وائس چیئرمین کے 82 ممبران، چھ 06 ٹاؤن کمیٹیوں کے 40 ممبران نے اپنی اپنی ٹاؤن کمیٹیوں میں حلف اٹھایا۔ حلف برداری کی تقریب کندھ کوٹ ڈسٹرکٹ کمپلیکس کے اندر منعقد ہوئی جس میں ڈپٹی کمشنر کشمور منور علی مٹھيانی نے ڈسٹرکٹ کونسل کے 41 ممبران، میونسپل کمیٹی کے 16 ممبران سے حلف لیا ،جن میں گل محمد جکرانی، میر راشد خان سندرانی، زریاب خان بجارانی، لیاقت خان ملک، آغا شمس ، مختیار سہريانی، شیر محمد سہريانی اور دیگر متعلقہ افراد نے حلف اٹھایا .