کرونا وائرس، لاک ڈاؤن ، پنجاب حکومت نے کرایہ داروں کو دیا بڑا ریلیف

باغی ٹی وی کی رپورٹ کے مطابق حکومت پنجاب نے کرایہ داروں کو بڑا ریلیف دے دیا

کورونا وائرس کے اثرات کے دوران صوبہ بھر کے کرایہ داروں کو لینڈ لارڈ سے بچانے کے لئے صوبائی حکومت نے اہم فیصلہ کیا ہے، حکومت پنجاب نے کرایہ داروں کے حقوق کے تحفظ کے لئے دو ماہ کے دورانیہ پر مشتمل احکامات جاری کر دئیے ، صوبہ بھر میں کوئی بھی مالک مکان لاک ڈاﺅن کی مدت کے دوران کرایہ دار کو زبردستی، غیر قانونی طور پر بے دخل نہیں کر سکے گا

واجبات کی وصولی کو بنیاد بنا کر اس وقت تک بے دخلی نہیں ہو سکے گی ، جب تک اس ضمن میں موجود قانون کے مطابق کارروائی پوری نہیں ہو جاتی ،ایڈیشنل چیف سیکرٹری داخلہ مومن علی آغاز کی ہدایت پر نوٹیفیکیشن جاری کر دیا

واضح رہے کہ کرونا وائرس کی وجہ سے پنجاب سمیت ملک بھر میں لاک ڈاؤن ہے، تعلیمی ادارے، بازار، شاپنگ مالز وغیرہ سب کچھ بند ہے، ٹرین، پبلک ٹرانسپورٹ بھی معطل ہے، پنجاب میں کرونا کے سب سے زیادہ مریض ہیں.